Уйғур кишилик һоқуқ тәшкилати: хитай террорлуққа қарши күрәштики ишәнчлик ортақ әмәс

Мухбиримиз әркин
2016-03-31
Share

Америкидики кишилик һоқуқ тәтқиқат орни- уйғур кишилик һоқуқ программиси 30‏-март баянат елан қилип, хитайни террорлуққа қарши күрәштики ишәнчлик ортақ әмәс, дәп агаһландурди.

Тәшкилат баянатида йәнә, америка һөкүмәт әмәлдарлирини америка-хитай башлиқлар йиғинида хитайниң террорлуққа қарши алған тәдбирлириниң кишилик һоқуққа көрсәткән тәсиридин қаттиқ әндишә қиливатқанлиқини оттуриға қоюшқа чақирған баянат президент обама билән хитай рәиси ши җинпиң 31‏-март айрим учришиштин бир күн аввал елан қилинди.

Униңда уйғур кишилик һоқуқ программисиниң директори алим сейтоф мундақ дәйду: "рәһбәрләр хитайниң уйғур хәлқиниң негизлик кишилик һоқуқини бир чәткә қайрип қойған террорлуққа қарши туруш һәрикитиниң қанунийлиқ мәсилисини алаһидә оттуриға қоюши керәк."

Хитай рәиси ши җинпиң бу қетим вашингтонға дуня ядро бихәтәрлик йиғиниға қатнишиш үчүн кәлгән. Әмма униң бу қетим вашингтонға келиши хитай кишилик һоқуқ вәзийити техиму начарлишип, адвокат вә өктичиләрни бастуруш күчәйгән мәзгилгә тоғра кәлгән.

Шу мунасивәт билән у, вашингтонда кишилик һоқуқ тәшкилатлириниң күчлүк наразилиқиға дуч кәлгән. Пәйшәнбә күни уйғур, тибәт вә хитай өктичилириниң униңға қарши наразилиқ намайиши йүз бәргән иди.

Уйғур кишилик һоқуқ программиси баянатида, террорлуққа қарши туруш мәсилисидә хәлқара кишилик һоқуқ мизанлириға хилаплиқ қиливатқанлиқини әскәртип, "хитай һөкүмити террорлуққа қарши турушни бастуруш сияситигә қарши турған уйғур өктичилирини бастурушқа қоллиниватиду" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт