Donald tramp: "Soda urushida biz qandaqla qilsaq xitayni yéngiwalimiz"

Muxbirimiz sada
2019-04-16
Élxet
Pikir
Share
Print

Amérika-xitay soda urushi izchil keskinlishiwatqan bir peytte, amérika prézidénti donald tramp meyli qandaq ishlar yüz bérishidin qet'iynezer, özlirining bu urushta choqum yéngip chiqalaydighanliqigha ishinidighanliqini bildürgen.

"Roytérs" agéntliqining 15-apréldiki xewiridin melum bolushiche, amérika prézidénti donald tramp shu küni minissota shtatining burnswil shehiride yumilaq üstel söhbitide bolghan. Söhbet jeryanida u xitay bilen bolghan sodida kélishish yaki kélishelmeslikidin qet'iynezer, oxshashla yéngip chiqalaydighanliqini jakarlighan. 

Xewerde déyilishiche, amérika we xitaydin ibaret dunyadiki ikki chong soda döliti arisidiki soda urushi toqquz aydin buyan izchil dawam qiliwatqan bolup, hazirgha qeder toluq bir yerge kélelmigen. 

Amérika maliye ministiri stiwén mnuchin 15-aprél küni amérikaning "Foks soda tori" gha qilghan sözide, sodida kélishtürgüchilerning bu qétimliq soda urushida köp tirishchanliqlarni körsetkenlikini éytip ötken. Uning déyishiche, bu xil tirishchanliqlar dawamliq dawamlishidiken.

Toluq bet