Америка билән хитай армийәлири тәйвән боғузида өзара “күч көрситиш” кә башлиған

Мухбиримиз әзиз
2022-05-11
Share

Америка деңиз армийәси 10-май күни иккинчи һәрбий парахотини тәйвән боғузидин кесип өтүшкә әвәтип, бир қетимлиқ һәрбий манивер шәклидики деңиз сәпирини тамамлиған.

“әл җәзирә” ниң 11-майдики хәвиридә ейтилишичә, америка деңиз армийәсиниң 7-флоти өзлириниң “хан җәмәти порти” намлиқ ядро оқ беши орнитилған һуҗумчи парахотини тәйвән боғузиға әвәткәндин кейин, бу сәпәрни “хәлқара қанунға уйғун болған бир қетимлиқ деңиз сәпири” дәп елан қилған.

Хәвәрдә ейтилишичә, мәзкур һуҗумчи парахотниң тәйвән боғузиға келиши, хитай һава армийәсиниң 18 һуҗумчи айрупилани 6-май күни тәйвән һөкүмитиниң һечқандақ мақуллуқи болмиған әһвалда тәйвәнниң һава тәвәликидә учуш вә уруш мәшқи қилғандин кейингила тоғра кәлгән. Хитай деңиз армийәси баш шитаби америка һуҗумчи парахотиниң тәйвән боғузидин өтүшини әйибләп: “америка мушу арқилиқ тәйвән мустәқилчи унсурлирини қоллайдиғанлиқини намайиш қилмақчи” дегән.

Вашингтондики “кархана” (Enterprise) ақиллар мәркизиниң хадими майкил мазза (Michael Mazza) буниң “ундақ қазанға мундақ чөмүч” шәклидики һәрбий һәркәт икәнликини билдүргән. У бу һәқтә сөз қилип: “бу һал шүбһисиз тәйвән боғузидики җиддийликни сәл ‛қизитип‚ қоюши мумкин. Әмма һазирчә бу бирәр хәтәрлик әһвалдин бишарәт әмәс,” дегән.

Мәлум болушичә, бу хил қоғлиғучи парахоттин америка деңиз армийәсидә 62 данә, хитай деңиз армийәсидә 27 данә бар икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт