Amérika bilen xitay armiyeliri teywen boghuzida öz'ara “Küch körsitish” ke bashlighan

Muxbirimiz eziz
2022-05-11
Share

Amérika déngiz armiyesi 10-may küni ikkinchi herbiy paraxotini teywen boghuzidin késip ötüshke ewetip, bir qétimliq herbiy maniwér sheklidiki déngiz sepirini tamamlighan.

“El jezire” ning 11-maydiki xewiride éytilishiche, amérika déngiz armiyesining 7-floti özlirining “Xan jemeti porti” namliq yadro oq béshi ornitilghan hujumchi paraxotini teywen boghuzigha ewetkendin kéyin, bu seperni “Xelq'ara qanun'gha uyghun bolghan bir qétimliq déngiz sepiri” dep élan qilghan.

Xewerde éytilishiche, mezkur hujumchi paraxotning teywen boghuzigha kélishi, xitay hawa armiyesining 18 hujumchi ayrupilani 6-may küni teywen hökümitining héchqandaq maqulluqi bolmighan ehwalda teywenning hawa tewelikide uchush we urush meshqi qilghandin kéyin'gila toghra kelgen. Xitay déngiz armiyesi bash shitabi amérika hujumchi paraxotining teywen boghuzidin ötüshini eyiblep: “Amérika mushu arqiliq teywen musteqilchi unsurlirini qollaydighanliqini namayish qilmaqchi” dégen.

Washin'gtondiki “Karxana” (Enterprise) aqillar merkizining xadimi maykil mazza (Michael Mazza) buning “Undaq qazan'gha mundaq chömüch” sheklidiki herbiy herket ikenlikini bildürgen. U bu heqte söz qilip: “Bu hal shübhisiz teywen boghuzidiki jiddiylikni sel ‛qizitip‚ qoyushi mumkin. Emma hazirche bu birer xeterlik ehwaldin bisharet emes,” dégen.

Melum bolushiche, bu xil qoghlighuchi paraxottin amérika déngiz armiyeside 62 dane, xitay déngiz armiyeside 27 dane bar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet