Президент трамп: «биз мөрити кәлсә хитай билән болған мунасивәтләрни үзүветәләймиз»

Мухбиримиз нуриман
2020-05-14
Елхәт
Пикир
Share
Принт

Ройтерс агентлиқниң 14-май бәргән хәвиригә асасланғанда, америка президенти доналд трамп хитайниң корона вирусни өз вақтида үнүмлүк контрол қилмиғанлиқиниң американи наһайити үмидсизләндүргәнлики вә бу вирус апитиниң америка-хитай сода мунасивитигә қаттиқ тәсир қилғанлиқини ейтқан.

Президент трамп мухбирларға йәнә өзиниң хитайдин наһайити үмидсизләнгәнлики ейтқан. У хитай билән қайта сөһбәтлишишкә қизиқмайдиғанилиқини билдүргән.

30-Апрел президент трамп корона вирусиниң хитайниң вухәндики вирус тәҗрибиханисида ясалған болуши мумкинликигә ишинидиғанлиқини ейтқан иди. Америка ташқи ишлар министири майк помпейому май ейиниң башлирида корона вирусниң вухәндики бир тәҗрибиханидин тарқалғанлиқи һәққидә «зор миқдарда испатларниң барлиқи» ни әскәрткән иди.

Помпейо йәнә мундақ дегән: «биз вирусниң келиш мәнбәси һәққидә яхши болмиған нурғун учурларға ериштуқ. Мәйли бу вирус вухәндики тәҗрибиханидин кәлгән болсун яки шәпәрәңдин тарқалған болсун, бу вирусниң хитайдин кәлгәнлики раст. Улар бу вирусниң тарилишини өз вақтидила тохтитиши керәк иди, әмма у әмди контроллуқтин чиқти.»

Президент трамп 14-май күни «фокис» сода телевизийәсиниң мухбири мария бартиромоға: «биз қилалайдиған нурғун ишлар бар, һәтта биз мөрити кәлсә хитай билән болған барлиқ мунасивәтләрни үзүветәләймиз,» дегән.

Пикирләр (0)
Share
Толуқ бәт