Prézidént tramp: "Biz möriti kelse xitay bilen bolghan munasiwetlerni üzüwételeymiz"

Muxbirimiz nur'iman
2020-05-14
Share

Roytérs agéntliqning 14-may bergen xewirige asaslan'ghanda, amérika prézidénti donald tramp xitayning korona wirusni öz waqtida ünümlük kontrol qilmighanliqining amérikani nahayiti ümidsizlendürgenliki we bu wirus apitining amérika-xitay soda munasiwitige qattiq tesir qilghanliqini éytqan.

Prézidént tramp muxbirlargha yene özining xitaydin nahayiti ümidsizlen'genliki éytqan. U xitay bilen qayta söhbetlishishke qiziqmaydighaniliqini bildürgen.

30-Aprél prézidént tramp korona wirusining xitayning wuxendiki wirus tejribixanisida yasalghan bolushi mumkinlikige ishinidighanliqini éytqan idi. Amérika tashqi ishlar ministiri mayk pompéyomu may éyining bashlirida korona wirusning wuxendiki bir tejribixanidin tarqalghanliqi heqqide "Zor miqdarda ispatlarning barliqi" ni eskertken idi.

Pompéyo yene mundaq dégen: "Biz wirusning kélish menbesi heqqide yaxshi bolmighan nurghun uchurlargha érishtuq. Meyli bu wirus wuxendiki tejribixanidin kelgen bolsun yaki sheperengdin tarqalghan bolsun, bu wirusning xitaydin kelgenliki rast. Ular bu wirusning tarilishini öz waqtidila toxtitishi kérek idi, emma u emdi kontrolluqtin chiqti."

Prézidént tramp 14-may küni "Fokis" soda téléwiziyesining muxbiri mariya bartiromogha: "Biz qilalaydighan nurghun ishlar bar, hetta biz möriti kelse xitay bilen bolghan barliq munasiwetlerni üzüwételeymiz," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet