Хитай һөкүмити өз хәлқини америкаға қарши «хәлқ уруши» қозғашқа чақирған

Мухбиримиз сада
2019-05-15
Елхәт
Пикир
Share
Принт

Америка президенти доналд трамп 300 милярд долларлиқ хитай мәһсулатлириға таможна беҗи қоюш һәққидә бешарәт бәргәндин кейин, бейҗиң даирилири хитай хәлқини америкаға қарши «хәлқ уруши» қозғашқа чақирған.

«Хәвәрләр вақти» торида 14-май елан қилинған хәвәргә қариғанда, хитайниң һөкүмәт таратқулири трамп һөкүмитиниң хитай маллириға қаратқан зор соммилиқ таможна беҗи сияситигә «ачкөз вә мәнмәнчи» дәп һуҗум қилған вә униңға қарши «хәлқ уруши» қозғаш һәққидә мақалә елан қилған.

«Йәршари вақти гезити» хитай компартийәсиниң канийи болған «шинхуа агентлиқи» ниң бу һәқтики хәвиридин нәқил кәлтүрүп, «америка билән хитай оттурисидики сода урушида америка тәрәп ачкөзлүк вә мәнмәнчилик қиливатиду, уларниң бу ночилиқи һаман бир күни суниду. Бизниң қилмақчи болғинимиз улар билән елишип, өзимизниң һоқуқини қоғдаштур,» дегән.

Баш мақалидә йәнә мунулар баян қилинған: «америкадики сода урушини бир адәм вә бир һөкүмәт бәрпа қилиду, әмма у пүтүн бир дөләттики аһалиләрниң һәммисигә тәсир көрситиду. Хитайдики һәр милләт хәлқи бу қетимлиқ сода урушиниң тәһдитигә учриди, биз үчүн бу бир мәйдан һәқиқий ‹хәлқ уруши' дур.»

Өткән һәптә хитай һөкүмити америка-хитай сода келишиминиң дәсләпки нусхисидики мәзмунларни пүтүнләй өзгәртип, америкиниң ядролуқ тәләплиригә қошулмайдиғанлиқини ишарә қилған иди. Шундин кейин, трамп һөкүмити хитайниң җәмий 300 милярд долларлиқ мәһсулатлириға таможна беҗи қойидиғанлиқтин бешарәт бәргән иди.

Пикирләр (0)
Share
Толуқ бәт