Америка дөләт мәҗлиси әзаси җон миккәйн: хитайниң қиливатқанлири зомигәрлик

Америка дөләт мәҗлисидә йүксәк нопузға игә затлардин, кеңәш палата әзаси җон миккәйн, хитайниң нөвәттә хәлқара сәһнидики һәрикәтлириниң бир хил зораванлиқ икәнликини оттуриға қойған.

У бу сөзлирини 30-май австралийәниң сидней университетида сөзлигән нутқида тилға алған.

Хитайчә б б с ниң бүгүнки бу һәқтики хәвиридә баян қилинишичә, җон миккәйн очуқ һалда мундақ дегән: “нөвәттики хирис, хитай иқтисади җәһәттин тәрәққий қилғансери хәлқара ишларда зомигәрлишип кетиватиду, мәсилән, қануний асаси болмиған һалда территорийә тәләп қилип тохтимай баянатларни бериватиду; сода вә мәбләғни қошна дөләтләрни гәпкә киргүзүшниң васитиси сүпитидә қоллиниватиду, башқа дөләтләрниң билим-мүлүк һоқуқини оғрилаватиду.”

Миккәйин бихәтәрлик мәсилиси үстидә тохталғанда, хитайни омумйүзлүк ислаһатқа йүзләндүрүш вә асия тинч окян районида һәммә дөләтләр үчүн адил иқтисадий риқабәт муһити яритиш үчүн, австралийәни америка билән һәмкарлиқта чиң турушқа чақирған. Американиң мәзкур райондики һәрбий күчини ашуридиғанлиқини тәкитлигән миккәйн өзиниң бу темида президент доналд трамп билән пикир бирдәкликигә игә икәнликини баян қилған.