Рам емануел: “америка вә униң шериклири хитайға қарши бирликтә һәрикәт қиливатиду”

Вашингтондин мухбиримиз уйғар тәйярлиди
2024.06.04

“билумберг” ториниң 2024-йили 6-айниң 4күндики хәвиридин мәлум болушичә, америкиниң японийәдә турушлуқ баш әлчиси рам емануел (Rahm Emanuel) хитайниң дөләт ичидики иқтисадий мәсилилирини дуняниң башқа җайлириға сөрәп келишиниң америка вә униң шериклириниң хитайға қарши бирликтә туруш ирадисини күчәйткәнликини илгири сүргән.

Рам емануел мундақ дегән: “әтрапта хитайниң иқтисадий яки истратегийәлик хирислириға дуч кәлмигән һечқандақ дөләт йоқ. Хитай яхши қошна әмәс, у сода шериклиримизниң иқтисадиға еғир зиян йәткүзүватиду”.

Пирезидент җо байдин алдинқи айда хитайдин келидиған малдин алидиған таможна беҗиниң өстүрүлгәнликини елан қилғаниди. У бу һәрикәтниң америка ишчилири вә карханилирини хитайниң әрзан баһалиқ маллири вә сода алдамчилиқидин қоғдаш үчүн зөрүр икәнликини ейтқан.

У һәптә ахирида сингапорда йәр шари мудапиә рәһбәрлириниң учришишида хитай билән америка оттурисидики риқабәтни муһим орунға қоюп, америкиниң һинди-тинч окянда һәрбий маневир вә һәмкарлиқни күчәйтишини тәшвиқ қилғаниди. Хитай болса “сиртқи күч” ләрниң тинчлиқ вә муқимлиққа арилашқанлиқини тәнқид қилған.

Рам емануел йәнә мундақ дегән: “японийә, корейә, австралийә, сингапор, филиппин, һәтта вийетнам қатарлиқ дөләтләр америкиниң бу районда мәвҗут болушини үмид қилиду. Чүнки улар өзлириниң игилик һоқуқиға писәнт қилмайдиған хитайни әмәс, өзлириниң игилик һоқуқиға һөрмәт қилидиған дөләтләрниң йенида турушни халайду”.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.