Ram émanu'él: “Amérika we uning shérikliri xitaygha qarshi birlikte heriket qiliwatidu”

Washin'gtondin muxbirimiz uyghar teyyarlidi
2024.06.04

“Bilumbérg” torining 2024-yili 6-ayning 4kündiki xewiridin melum bolushiche, amérikining yaponiyede turushluq bash elchisi ram émanu'él (Rahm Emanuel) xitayning dölet ichidiki iqtisadiy mesililirini dunyaning bashqa jaylirigha sörep kélishining amérika we uning shériklirining xitaygha qarshi birlikte turush iradisini kücheytkenlikini ilgiri sürgen.

Ram émanu'él mundaq dégen: “Etrapta xitayning iqtisadiy yaki istratégiyelik xirislirigha duch kelmigen héchqandaq dölet yoq. Xitay yaxshi qoshna emes, u soda shériklirimizning iqtisadigha éghir ziyan yetküzüwatidu”.

Pirézidént jo baydin aldinqi ayda xitaydin kélidighan maldin alidighan tamozhna béjining östürülgenlikini élan qilghanidi. U bu heriketning amérika ishchiliri we karxanilirini xitayning erzan bahaliq malliri we soda aldamchiliqidin qoghdash üchün zörür ikenlikini éytqan.

U hepte axirida sin'gaporda yer shari mudapi'e rehberlirining uchrishishida xitay bilen amérika otturisidiki riqabetni muhim orun'gha qoyup, amérikining hindi-tinch okyanda herbiy manéwir we hemkarliqni kücheytishini teshwiq qilghanidi. Xitay bolsa “Sirtqi küch” lerning tinchliq we muqimliqqa arilashqanliqini tenqid qilghan.

Ram émanu'él yene mundaq dégen: “Yaponiye, koréye, awstraliye, sin'gapor, filippin, hetta wiyétnam qatarliq döletler amérikining bu rayonda mewjut bolushini ümid qilidu. Chünki ular özlirining igilik hoquqigha pisent qilmaydighan xitayni emes, özlirining igilik hoquqigha hörmet qilidighan döletlerning yénida turushni xalaydu”.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.