Бәш бурҗәклик бина диққәт нуқтисини хитайға мәркәзләштүрүшни тәкитлиди

Мухбиримиз әзиз
2021-06-10
Share

Америка-хитай мунасивитидики барғансери ешип бериватқан йирикликниң бир ипадиси бәш бурҗәклик бина (америка дөләт мудапиә министирлики) ниң әң йеңи хәвиридики диққәт нуқтисини хитайға мәркәзләштүрүш тоғрисидики буйруқта әкс әткән. 

"бломберг хәвәрлири" ниң 9-июндики хәвиридә ейтилишичә, америка дөләт мудапийә министири, генерал лойд астин бир күн илгири америка армийәсиниң нөвәттики һәрбий орунлаштурулимисида хитайни муһим нуқта қилиш һәққидә бир көрсәтмә буйруқи йоллиған. Бу буйруқниң мәзмуни мәхпийәтлик түпәйлидин елан қилинмиған. Әмма бәш бурҗәклик бинаниң бу һәқтики баянатида "бу көрсәтмидики мәзмунлар америка һөкүмитиниң хитайдин келиватқан тәһдитләргә тақабил туруш һәққидики тиришчанлиқиға һәмдәмдә болуш асасида тәйярланди," дейилгән.

Америка дөләт мудапийә министири лойд астин бу һәқтә мухбирларға сөз қилип: "мәзкур көрсәтмә дөләт мудапийә министирликиниң иттипақдашлиримиз билән болған алақисиини күчәйтиш, шуниңдәк һәрбий вә пуқравий җәһәтләрдики күтүлмигән өзгиришләргә тақабил туруш қатарлиқларда муһим рол ойнайду" дегән. Җов байден һөкүмити хитай билән болған мунасивәтни "кәскин риқабәткә толған" бир басқучқа қарап меңиватиду дәп тәкитләватқанда, бундақ бир көрсәтминиң оттуриға чиқиши һәрқайси саһәниң зор диққитини қозғимақта. 

Хәвәрдә ейтилишичә, америка дөләт мәҗлиси 8-июн күни хитай тәһдитигә тақабил туруш үчүн 250 милярд америка доллирилиқ санаәт мәблиғини мақуллиған болуп, бу мәбләғниң мутләқ көп қисми ишләпчиқириш вә технологийә саһәсигә сәрп қилинидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт