Америка хитай сәвәблик «оттура мусапилик ядро қораллар келишими» дин чекинип чиққан

Мухбиримиз әркин
2019-08-02
Елхәт
Пикир
Share
Принт

Америка һөкүмити 2‏-авғуст күни 1980‏-йиллири сабиқ совет иттипақи билән имзалиған «оттура мусапилик ядро қоралла келишими» дин рәсмий чекинип чиққан.

«Ню-йорк вақти гезити» ниң җүмә күни хәвәр қилишичә, трамп һөкүмитидики әмәлдарлар мәзкур келишимниң хитай мәсилисидә американиң қолини бағлап қойғанлиқи, шундақла русийәниң келишимгә әмәл қилмиғанлиқини билдүргән. Америка ташқи ишлар министири майк помпейо җүмә күни тивиттерға йоллиған учурида американиң бу йил 2‏-феврал күни русийәгә «оттура мусапилик ядро қораллар келишими» гә әмәл қилиш һәққидә 6 айлиқ сүрүк бәргән болсиму, русийәниң буниңға әмәл қилмиғанлиқини билдүргән. Помпейо: «шуңа бу келишим бүгүн рәсмий бикар қилинди. Башқилар бу келишимгә хилаплиқ қиливатқан әһвалда америка униңға әмәл қилиш тәрәпдари болмайду» дегән.

Лекин «ню-йорк вақти гезити» ниң хәвиридә илгири сүрүшичә, русийә американиң келишимдин чекинип чиқишидики бирдин бир амал әмәс икән. Хәвәрдә һөкүмәтниң хитайни президент трампниң келишимдин чекинип чиқишидики йәнә бир амил дәп көрсәткәнлики илгири сүрүлгән. Хәвәрдә қәйт қилинишичә, нөвәттә америка бу йил яз ахирлирида оттура мусапилик башқурулидиған бомба синиқи елип беришни пиланлимақта икән. Хәвәрдә йеңи башқурулидиған бомбиларниң русийәгә қаритилмайдиғанлиқи, униң хитайға қаритилиши мумкинлики тәкитләнгән.

1987‏-Йили рәсмий иҗра қилинишқа башлиған «оттура мусапилик ядро қораллар келишими» америка билән сабиқ совет иттипақи оттурисида имзаланған болуп, бу келишим әйни вақитта хитайни өз ичигә алмиған икән. Мутәхәссисләрниң илгири сүрүшичә, бу әһвал хитайниң һәр хил башқурулидиған бомбиларни тәрәққий қилдурушиға пурсәт яритип бәргән. «Ню-йорк вақти гезити» ниң хәвиридә қәйт қилинишичә, нөвәттә президент трамп русийә билән хитайни өз ичигә алған бир келишим түзүш тәрәпдари болсиму, лекин хитай буни рәт қилмақта икән.

Пикирләр (0)
Share
Толуқ бәт