Америка мудапиә министири: "хитай уйғур мусулманлириға ирқий қирғинчилиқ вә инсанийәткә қарши җинайәт йүргүзүватиду"

Мухбиримиз ирадә
2021-08-05
Share

Америка мудапиә министири лойд остин сәйшәнбә күни сингапордики зиярити мәзгилидә қилған бир сөзидә уйғурларниң ирқий қирғинчилиққа учраватқанлиқини билдүргән.

"фергус фоллс журнили" да елан қилинған хәвәрдин қариғанда, америка дөләт мудапиә министири лойд остин мундақ дегән:

"бейҗиңниң… қанун билән идарә қилишқа һөрмәт қилмайдиғанлиқи пәқәт деңиздики игилик һоқуқи мәсилилиридила ипадиләнмәйду. Биз униң һиндистанға қилған таҗавузчилиқини, муқимсизлиқ пәйда қилидиған һәрбий һәрикәтлирини, тәйвән хәлқигә қилған зораванлиқини вә шинҗаңдики уйғур мусулманлириға қиливатқан ирқий қирғинчилиқи вә инсанийәткә қарши җинайәтлирини көрдуқ".

Мәлум болушичә, мудапиә министири остин йәнә, хитай һөкүмитиниң уйғурларға йүргүзүватқан инсанийәткә қарши җинайәтлирини натсистларниң қилған җинайәтлиригә селиштурғаникән.

Американиң нөвәттә вәзипидики мудапиә министири лойд остинниң уйғурлар һәққидә қилған юқиридики сөзи күчлүк диққәт қозғиди. Бу америка һөкүмитиниң уйғур мәсилисидики мәйданини йәниму җанлиқ намаян қилип беридикән.

Хәвәрдин қариғанда, мәзкур йиғинда остин йәнә, американиң японийә вә филиппинниң игилик һоқуқи дәпсәндичиликкә учриған тәқдирдә американиң филиппинға вакалитән урушқа қатнишиш вәдисини йәнә бир қетим тәкитлигән. У йәнә мундақ дегән: "хәлқара қанунлар бойичә бейҗиңниң җәнубий деңизниң мутләқ көп қисмини тәләп қилиш асаси йоқ. . … Биз шәртнамиләргә асасән сенкаку тақим арилидики японийә вә җәнубий деңиздики филиппинға бәргән вәдимизгә давамлиқ әмәл қилимиз."

Мәлум болушичә, американиң 70 йиллиқ шәртнамә бойичә японийәниң сенкаку арилидики игилик һоқуқини қоғдаш үчүн урушқа қатнишиш мәҗбурийити бар икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт