Xitay hökümiti nensiy pélosidin öch almaqchi iken

Muxbirimiz jewlan
2022.08.05
Share on WhatsApp
Share on WhatsApp

Amérika awam palatasi re'isi nensiy pélosi teywenni ziyaret qilghandin kéyin, xitay hökümiti uningdin öch élish heriketlirini bashlighan.

NBC (Amérika radiyo shirkiti) torining xewer qilishiche, 5-awghust küni xitay hökümiti amérika awam palatasi re'isi nensiy pélosining teywenni ziyaret qilghinidin öch élish üchün amérika bilen bolghan herbiy munasiwitini, kilimat özgirishi söhbitini, qanunsiz köchmenler we xelq'ara jinayetchilerni ötküzüp bérish hemkarliqini toxtitidighanliqini, shundaqla nensiy pélosi we uning a'ilisige émbargo qoyidighanliqini bildürgen.

Nensiy pélosi teywenni ziyaret qilghandin kéyin xitay armiyesi hujumchi ayropilan we paraxotlirini teywen ariligha yéqinlashturup, küch körsitish manéwiri élip barghan hemde yéngi tedbir qollinidighanliqini élan qilghan. Amérika tashqi ishlar ministiri antoni bilinkén buni eyiblep: “Xitay hökümiti nensiy pélosining ziyaritini bahane qilip, teywen boghuzi we uning etrapidiki rayonlarda ighwagerchilik qiliwatidu” dégen.

Radiyomizning xewer qilishiche, xitay yene diplomatiye sahesidimu teywen'ge bésim qiliwatqan bolup, xitayning firansiyede turushluq bash elchisi taratqularning ziyaritini qobul qilghanda, teywenning hakimiyet béshidiki bu partiyening teywenni musteqil qilish terepdarlirini köpeytiwetkenlikini, teywenni igilep xitayni birlikke keltürgendin kéyin teywenliklerge “Qayta terbiyelesh” élip baridighanliqini bildürgen. Firansiyege köchmen bolghan qazaq muxbir mirbek buninggha baha bérip: “Xitay kompartiyesi shinjangda qurghan qayta terbiyelesh lagérlirini teywen'gimu köchürüp aparmaqchi. Eger démokratik döletler xitayni cheklimise, xitay hökümiti özining basturush usulini pütün dunyagha éksport qilidu” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.