Америка хитайниң бир ядро енергийә ширкитини қара тизимликкә алди

Мухбиримиз әркин
2019-08-16
Share

Америка-хитай сода уруши таза өткүрләшкән мәзгилдә америка һөкүмити хитайниң бир ядро енергийә ширкитини қара тизимликкә киргүзгән. "малийә вақти гезити" ниң хәвәр қилишичә, хитайниң "җуңго аммибаб ядро енергийә гуруһи" вә униң 3 тармақ ширкити американиң һәрбир ишларға ишлитилидиған ядро техникисини оғрилаш билән әйиблинип, америка сода министирлиқиниң "қара тизимлики" гә киргүзүлгән.

Хәвәрдә, бу қарар америка ширкәтлириниң мәзкур хитай ширкитини лавазимат билән тәминлишини үнүмлүк дәриҗидә чәкләйдиғанлиқи тәкитләнгән. 

Америка сода министирлиқи бу йил 5‏-айда хитайниң хуавей ширкитини мәзкур тизимликкә киргүзгәниди. 

"малийә вақти гезити" ниң хәвиридә қәйт қилинишичә, америка билән хитай сода уруши тәдриҗий бихәтәрлик вә технологийә саһәсигә кеңәймәктикән.

Америка сода министирлиқи "җуңго ядро енергийә гуруһи" ни қара тизимликкә елишниң алдида америка енергийә министирлиқи тәкшүрүш елип барған. Енергийә министирлиқи 2018‏-йили 10‏-айда хитайға ядро техникиси експорт қилишни чәкләп, хитайниң "америка аммиви ядро техникисини өзиниң қанунсиз һәрбий ишлириға ишлитишиниң алдини елиш" ни қарар қилғаниди. 

Хәвәрдә қәйт қилинишичә, хитай ширкәтлириниң қара тизимликкә елиниши әнглийәниң бу ширкәтләр билән болған мунасивитигә күчлүк бесим пәйда қилидикән. Американиң бир ярдәмчи ташқи ишлар министири өткән йили 10‏-айда әнглийәни агаһландуруп, униң хитай ядро енергийә гуруһи билән һәмкарлиқ елип бармаслиқини, өзлиридә аммиви ядро техникисиниң һәрбий ишларға ишлитиливатқанлиқиға даир дәлилләр барлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт