Amérika xitayning bir yadro énérgiye shirkitini qara tizimlikke aldi

Muxbirimiz erkin
2019-08-16
Share

Amérika-xitay soda urushi taza ötkürleshken mezgilde amérika hökümiti xitayning bir yadro énérgiye shirkitini qara tizimlikke kirgüzgen. "Maliye waqti géziti" ning xewer qilishiche, xitayning "Junggo ammibab yadro énérgiye guruhi" we uning 3 tarmaq shirkiti amérikaning herbir ishlargha ishlitilidighan yadro téxnikisini oghrilash bilen eyiblinip, amérika soda ministirliqining "Qara tizimliki" ge kirgüzülgen.

Xewerde, bu qarar amérika shirketlirining mezkur xitay shirkitini lawazimat bilen teminlishini ünümlük derijide chekleydighanliqi tekitlen'gen. 

Amérika soda ministirliqi bu yil 5‏-ayda xitayning xu'awéy shirkitini mezkur tizimlikke kirgüzgenidi. 

"Maliye waqti géziti" ning xewiride qeyt qilinishiche, amérika bilen xitay soda urushi tedrijiy bixeterlik we téxnologiye sahesige kéngeymektiken.

Amérika soda ministirliqi "Junggo yadro énérgiye guruhi" ni qara tizimlikke élishning aldida amérika énérgiye ministirliqi tekshürüsh élip barghan. Énérgiye ministirliqi 2018‏-yili 10‏-ayda xitaygha yadro téxnikisi éksport qilishni cheklep, xitayning "Amérika ammiwi yadro téxnikisini özining qanunsiz herbiy ishlirigha ishlitishining aldini élish" ni qarar qilghanidi. 

Xewerde qeyt qilinishiche, xitay shirketlirining qara tizimlikke élinishi en'gliyening bu shirketler bilen bolghan munasiwitige küchlük bésim peyda qilidiken. Amérikaning bir yardemchi tashqi ishlar ministiri ötken yili 10‏-ayda en'gliyeni agahlandurup, uning xitay yadro énérgiye guruhi bilen hemkarliq élip barmasliqini, özliride ammiwi yadro téxnikisining herbiy ishlargha ishlitiliwatqanliqigha da'ir deliller barliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet