Xitay "Yer shari waqit géziti" bashliqi bir xata uchur sewebidin xitayni amérika bilen jeng élan qilishqa chaqirghan

Muxbirimiz jewlan
2021-08-18
Share

Amérika kéngesh palata ezasi jon kornin tiwittérda amérikaning teywende 30 minggha yéqin esker orunlashturghanliqi heqqidiki xata uchurni élan qiliwetkendin kéyin, xitay "Yer shari waqit géziti" bashliqi xu shijin tiwittérda xitayni amérikagha qarshi jeng élan qilishqa chaqiriq qilghan.

Bu hepte 17-awghust küni élan qilin'ghan we alliqachan öchüriwétilgen bu uchurda jon kornin "Nöwette amérika armiyesining koriyede 28000 eskiri, gérmaniyede 35 ming 486 eskiri, yaponiyede 50 ming eskiri, teywende 30 ming eskiri, afriqada 7000 eskiri, afghanistanda (2 ay ilgiri) 2500 eskiri bar," dep yazghan.

Buni körgen xu shijin tiwittérda mundaq dep yazghan: "Hazir amérika bilen teywen bu mesilini chüshendürüshi kérek. Eger bu rast bolsa, amérikaning teywendiki eskiri 30 mingdin éship ketmigen ehwalda, xitay armiyesi derhal urush qozghap, amérika armiyesini qoghlap chiqirishi kérek".

"Teywen xewerliri" gézitining xewer qilishiche, jon korninning bu uchuri xata bolup, 1979-yildin buyan amérika teywende esker turghuzup baqmighan. Bu yerde déyilgen 30 ming amérika eskiri aldinqi esirdiki wéytnam urushi mezgilide teywende turghan amérika eskerliri iken. Jon kornin bu uchurni tarixiy matériyallardin alghan bolushi mumkin iken.

Bu xata uchur öchüriwétilgendin kéyin, xu shijén yene mundaq dep yazghan: "Menche, bu sénator xataliship qalmidi, u bizning tomurimizni tutup baqmaqchi, méning uninggha béridighan jawabim shu: jeng qilish".

Tehlilchilerning qarishiche, xu shijinning bu inkasliri xitayning teywen mesilisige tutqan pozitsiyesi we kelgüsi pilanini melum derijide ashkarilap béridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet