Amérikaning 2022-yilliq mudapiye xamchot qanuni xitayning tesir körsitish heriketlirini nishan'gha alghan

Muxbirimiz erkin
2021-09-01
Share

Amérika awam palatasining 2022-yilliq mudapiye xamchot qanuni xitayning amérika we uning ittipaqdashlirigha qaratqan tesir körsitish heriketlirini nishan'gha alghan. "Washin'gton waqti" gézitining xewer qilishiche, awam palatasining mezkur mudapiye xamchot hoquqi qanunida amérika dölet mudapiye ministirliqi, tashqiy ishlar ministirliqi, amérika istixbarat ‍organliridin xitayning amérika we uning herbiy ittipaqdashlirini hem shériklirini nishan qilghan tesir körsitish heriketlirini tepsiliy bayan qilish telep qilin'ghan iken.

Xewerde qanun layihesining 30-awghust élan qilin'ghanliqi, dölet mudapiye we tashqiy ishlar ministirliqlirining doklatlirida xitayning tesir körsitish nishanlirigha qarita bahalash élip bérip, xitayning bu heriketlirige qarshi tedbirlerni otturigha qoyushi telep qilin'ghanliqini bildürgen.

"Washin'gton waqti" gézitining éytishiche, awam palatasining 744 milyard dollarliq 2022-yilliq mudapiye xamchot qanuni yuqiriqi teleplerni öz ichige alghan iken.

Xitay, amérika we uning ittipaqdashlirigha qarita keng kölemliq tesir körsitish herkiti élip bérip, özining teshwiqati we siyasitini bazargha sélip kelgen. Korona wirusining wuxendin bashlan'ghanliqi éniq bolsimu, shundaqla xitayning Uyghurlargha irqiy qirghinchiliq qilghanliqigha da'ir yéterlik deliller bolsimu, biraq xitay yalghan uchur tarqitip, korona wirusi yuqumida amérika armiyesini eyibligen, shundaqla Uyghurlarning irqiy qirghinchiliqqa uchrishini gherbning oydurup chiqarghan "Yalghan teshwiqati" dep hujum qilip kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet