Хитай айродром маҗираси түпәйлидин америкини әйиблиди

Мухбиримиз шөһрәт һошур
2016-09-05
Share

Бүгүн хитай ташқи баянатчиси хуа чүнйиң алдинқи күни хитай вә америка арисида йүз бәргән айродром рәсмийәт маҗираси үстидә пикир баян қилип, америка вә мухбирларни әйиблигән.

У сөзидә "әгәр америка хизмәт гурупписи җуңго тәрәп билән дәсләпки дейишкән рәсмийәт бойичә иш тутқан болса, оттурида маҗира туғулмайтти" дегән. У йәнә "барлиқ дөләтләр җуңго хизмәт гурупписи тәйярлиған айропилан шотисини ишләтти, пәқәт америкила ишләтмиди" дәп қақшиған.

Ройтирис қатарлиқ хәлқара ахбарат васитилиридә кәң хәвәр қилинишичә, 20 дөләт гуруһи йиғиниға қатнишиш үчүн хитайға кәлгән президент обама айропиландин чүшидиған чағда күтүлгән шота қоюлмиған вә у айропиланниң йәнә бир чиқиш ишикигә бериш үчүн арқисиға йенишқа мәҗбур болған. Буниң үстигә, обама айропиландин чүшкәндә униң дөләт бихәтәрлик мәслиһәтчиси сусан райс уни күтүвелиш үчүн алдиға маңғанда, хитай айродром бихәтәрлик хадимлири тәрипидин қопаллиқ билән тосувелинған.

Буниңға америкиниң бихәтәрлик қоғдиғучилири арилашқан вә "бу, америкиниң айропилани, америка президенти" дәп наразилиқ билдүргән, хитай тәрәп болса "бу җуңгониң туприқи, җуңгониң айродроми" дәп җаваб қайтурған. Шуниңдин кейин аридики бу айродром талаш-тартиши дөләт әмәлдарлири арисидиму давамлашмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт