Xitay ayrodrom majirasi tüpeylidin amérikini eyiblidi

Muxbirimiz shöhret hoshur
2016-09-05
Share

Bügün xitay tashqi bayanatchisi xu'a chünying aldinqi küni xitay we amérika arisida yüz bergen ayrodrom resmiyet majirasi üstide pikir bayan qilip, amérika we muxbirlarni eyibligen.

U sözide "Eger amérika xizmet guruppisi junggo terep bilen deslepki déyishken resmiyet boyiche ish tutqan bolsa, otturida majira tughulmaytti" dégen. U yene "Barliq döletler junggo xizmet guruppisi teyyarlighan ayropilan shotisini ishletti, peqet amérikila ishletmidi" dep qaqshighan.

Roytiris qatarliq xelq'ara axbarat wasitiliride keng xewer qilinishiche, 20 dölet guruhi yighinigha qatnishish üchün xitaygha kelgen prézidént obama ayropilandin chüshidighan chaghda kütülgen shota qoyulmighan we u ayropilanning yene bir chiqish ishikige bérish üchün arqisigha yénishqa mejbur bolghan. Buning üstige, obama ayropilandin chüshkende uning dölet bixeterlik meslihetchisi susan rays uni kütüwélish üchün aldigha mangghanda, xitay ayrodrom bixeterlik xadimliri teripidin qopalliq bilen tosuwélin'ghan.

Buninggha amérikining bixeterlik qoghdighuchiliri arilashqan we "Bu, amérikining ayropilani, amérika prézidénti" dep naraziliq bildürgen, xitay terep bolsa "Bu junggoning tupriqi, junggoning ayrodromi" dep jawab qayturghan. Shuningdin kéyin aridiki bu ayrodrom talash-tartishi dölet emeldarliri arisidimu dawamlashmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet