Американиң юқири дәриҗилик һәрбий әмәлдари сабиқ президент трампниң хитайға һуҗум қилишидин әнсиригән

Мухбиримиз җәвлан
2021-09-15
Share

Америка бирләшмә агентлиқиниң хәвиригә қариғанда, сабиқ америка президенти доналд трампниң вәзипә өтәш муддити аяғлишишқа аз қалғанда, америка штаб башлиқлири бирләшмә йиғини рәиси марк милле сабиқ президент трампниң хитайға һуҗум қилишидин әнсирәп, хитай хәлқ азадлиқ армийә генрали ли зочеңға телефон берип, американиң хитайға һуҗум қилмайдиғанлиқини ейтқан. Биринчи қетимлиқ телефонни 2020-йил 10-айниң 30-күни, иккинчи қетимлиқ телефонни 2021-йил 1-айниң 8-күни урған.

Сабиқ президент доналд трамп: "әгәр бу хәвәрниң растлиқи испатланса, марк милле вәтәнгә асийлиқ қилиш җинайити билән әйиблиниши керәк" дегән.

"вашингтон почтиси гезити" мухбири боб водвард билән роберт коста бирлишип язған "хәтәр" намлиқ китабта бу иш ашкариланған болуп, марк милле хитай генрали ли зочеңға, әгәр америка хитайға һуҗум қилидиған болса, униңға алдин агаһландуруш беридиғанлиқини ейтқан. Китабта йезилишичә, марк милле биринчи қетим хитай генерал ли зочеңға телефон қилғанда: "ли генерал, сизгә капаләт беримәнки, америка һөкүмити наһайити муқим, һәммә иш яхши болуп кетиду. Биз силәргә һуҗум қилмаймиз вә һәр қандақ һәрикәт қолланмаймиз" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт