«Вашингтон почтиси» гезити трамп һөкүмитиниң 28 хитай оргинини җазалиғанлиқини қарши алди

Мухбиримиз ирадә
2019-10-11
Елхәт
Пикир
Share
Принт

Америкадики нопузлуқ гезитләрдин болған «вашингтон почтиси» гезити америка трамп һөкүмитиниң уйғур елидә уйғур, қазақ қатарлиқ йәрлик мусулман милләтләргә қаратқан бастуруш сиясәтлиригә қатнашқан вә янтаяқ болған 28 хитай оргиниға қарита җаза тәдбири елан қилғанлиқини қарши алди.

10-Өктәбир күни мәзкур гезит тәһрирати «ахири, хитай йиғивелиш лагерлириниң бәзи ақивәтлири билән йүзләшти» мавзулуқ баш мақалисидә, трамп һөкүмитиниң хитай һөкүмитиниң уйғур вә башқа мусулман хәлқләрниң тили вә мәдәнийитини йоқ қилишни мәқсәт қилған һәрикәтлирини ахири җазалиғанлиқини ипадә қилип: «бу тәдбирләр толиму зөрүр иди. Бу тәдбирләр кечиккән болсиму, биз униң хитай һөкүмити уйғурлар вә башқа мусулманларни йиғивелиш лагерлирида тутуп турған муддәт бойичә изчил давам қилишини тәләп қилимиз» дегән. 

«Вашингтон почтиси» тәһрират һәйити йәнә, америка ташқи ишлар министирлиқиниң инсан һәқлири дәпсәндичиликидә рол ойниған хитай һөкүмәт әмәлдарлириға виза ембаргоси қоюш қарариниму алқишлиған. Улар мундақ дегән: «виза ембаргоси қоюлған кишиләрниң исимлики техи елан қилинмиған болсиму, әмма биз униң хитай партком секретари чен чүәнгони өз ичигә алған болушини үмид қилимиз» дегән. 

«Вашингтон почтиси» гезити хитай һөкүмитиниң уйғур елидә 2 милйон әтрапида уйғур вә башқа хәлқләрни «қайта тәрбийә мәркизи» намидики йеңи заман йиғивелиш лагерлириға қамап, уларға меңә ююш һәрикити йүргүзүватқанлиқи ашкариланғандин буян, он парчидин артуқ тәһрират мақалиси елан қилиш арқилиқ изчил һалда америка һөкүмитини уйғур мәсилисидә тәдбир қоллинишқа чақирип кәлгән иди.

Пикирләр (0)
Share
Толуқ бәт