Amérika-xitay kilimat söhbiti axirlashqan bolsimu, biraq terepler söhbet ehwali toghrisida éghiz achmidi

Muxbirimiz erkin
2021-04-19
Share

Amérika prézidénti jow baydénning alahide hawa kilimati elchisi, sabiq amérika tashqi ishlar ministiri jon kerriy xitaygha qilghan 2 künlük ziyaritini ötken shenbe küni axirlashturghan. Jon kerriy bu ziyaritide xitayning hawa kilimati elchisi shyé jéngxu'a bilen söhbet élip barghan. Söhbet axirlashqinigha 2 kün bolghan bolsimu, biraq her ikki terep söhbetning ehwali, muzakire qilin'ghan mesililer we érishken netije toghrisida héchqandaq uchur bérip baqmidi.

"Jenubiy xitay seher pochtisi" gézitining xewer qilishiche, közetküchiler we muhitni qoghdighuchilar jon kerriyning intayin az netije bilen axirlashqan ziyaritidin kéyin amérika bilen xitayning hawa kilimati sahesidiki hemkarliq pursiti tariyiwatqanliqini agahlandurghan. Jon kerriy amérika-xitay munasiwiti Uyghur irqiy qirghinchiliqi, xongkong, teywen, jenubiy déngiz, xitayning eqliy mülk oghriliqi qatarliq mesililer tüpeyli keskinliship ketkendin béri baydén hökümitining xitayni ziyaret qilghan tunji yuqiri derijilik emeldaridur.

Xitay hazirghiche shi jinpingning prézidént baydénning sahibxaniliqidiki "Yershari küni "Tor yighinigha qatnishidighan-qatnashmaydighanliqini bildürmigen. "Jenubiy xitay seher pochtisi" ning éytishiche, xitayning mu'awin bash ministiri xen jéng jon kerriy bilen tor arqiliq körüshkende "Xitayning amérika bilen kilimat mesilisidiki di'alog we hemkarliqqa zor ehmiyet béridighanliqi" ni bildürgen bolsimu, biraq xitayning mu'awin tashqi ishlar ministiri lé yüchéng birleshme agéntliqigha xitayning "Hawa kilimati özgirishige bashqilar telep qilghanliqi üchün emes, belki özining teshebbusi bilen jawab béridighanliqi" ni éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet