Америка авам палата әзаси брайин фитзпатрик: хитайниң мәқсити американи аҗизлаштуруш

Мухбиримиз ирадә
2021-06-03
Share

Америка авам палата әзаси брайин фитзпатрик (Brian Fitzpatrick) "биз хитай компартийәсиниң тәһдитлиригә қәтий тақабил турушимиз керәк", деди.

У фокис хәвәлири торида бир парчә көз қараш мақалиси елан қилип, һазирғичә хитай һөкүмитиниң сиясәтлириниң американиң дөләт мәнпәәтигә, иқтисадиға, бихәтәрликигә вә америка хәлқиниң параванлиқиға пәйда қилған зор тәһдитлири һәққидә мәлумат бәргән. У хитайға мәбләғ селиватқан америка ширкәтлирини аз дәп, милйонлиған америкилиқ баҗ төлигүчиләрниң пенсийә фондлириниңму хитай армийәсиниң күчлинишигә һәссә қошуватқанлиқини әскәртип американиң әмди буни тохтитидиған вә бу тәһдитләргә қарши күрәш қилидиған вақти йетип кәлди" дәп әскәрткән.

У йәнә хитайниң чәтәлләрдиму американиң мәнпәәтигә хилап һәрикәт қиливатқанлиқини әскәртип мундақ дегән:

"хитай компартийәси қәрз қилтиқи дипломатийәси вә талан-тараҗ характеридики бир бәлвағ бир йол қурулуши арқилиқ төмүр йол, ташйол, порт вә транспорт линийәсигә нәччә йүз милярд доллар мәбләғ селип, қәрз алғучи дөләт бу мәбләғни қайтурушқа қурби йәтмигәндә бу әслиһәләрни зиммигә өткүзүвелиш арқилиқ башқа дөләтләрдики һалқилиқ ул әслиһәләргә еришиватиду. Қисқиси хитай компартийәсиниң буниңдики муддиаси ениқ: дөләт ичидә вә хәлқарада американи аҗизлаштуруш".

У йәнә мундақ дегән: "хитай компартийәсиниң ахирқи нишани немә? алди билән дунядики иқтисадий дәриҗидин ташқири чоң дөләткә айлиниш, андин дуняниң һәрбий дәриҗидин ташқири чоң дөлитигә айлиниш, андин дуняниң пул өлчимигә айлиниш вә ақивәттә өзлириниң коммунист, мустәбит вә залим системисини дуняниң һәрқайси җайлириға тарқитиштин ибарәт. Биз болсақ уларниң бундақ қилишиға йол қоюпла қалмай, һәтта техи уларға буниң пулини төләп бериватимиз. Буни һәл қилишниң чариси немә? хитайдин барлиқ мунасивәтләрни үзүш вә уни ялғуз қоюш".

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт