Amérika awam palata ezasi brayin fitzpatrik: xitayning meqsiti amérikani ajizlashturush

Muxbirimiz irade
2021-06-03
Share

Amérika awam palata ezasi brayin fitzpatrik (Brian Fitzpatrick) "Biz xitay kompartiyesining tehditlirige qet'iy taqabil turushimiz kérek", dédi.

U fokis xeweliri torida bir parche köz qarash maqalisi élan qilip, hazirghiche xitay hökümitining siyasetlirining amérikaning dölet menpe'etige, iqtisadigha, bixeterlikige we amérika xelqining parawanliqigha peyda qilghan zor tehditliri heqqide melumat bergen. U xitaygha meblegh séliwatqan amérika shirketlirini az dep, milyonlighan amérikiliq baj töligüchilerning pénsiye fondliriningmu xitay armiyesining küchlinishige hesse qoshuwatqanliqini eskertip amérikaning emdi buni toxtitidighan we bu tehditlerge qarshi küresh qilidighan waqti yétip keldi" dep eskertken.

U yene xitayning chet'ellerdimu amérikaning menpe'etige xilap heriket qiliwatqanliqini eskertip mundaq dégen:

"Xitay kompartiyesi qerz qiltiqi diplomatiyesi we talan-taraj xaraktéridiki bir belwagh bir yol qurulushi arqiliq tömür yol, tashyol, port we transport liniyesige nechche yüz milyard dollar meblegh sélip, qerz alghuchi dölet bu mebleghni qayturushqa qurbi yetmigende bu eslihelerni zimmige ötküzüwélish arqiliq bashqa döletlerdiki halqiliq ul eslihelerge érishiwatidu. Qisqisi xitay kompartiyesining buningdiki muddi'asi éniq: dölet ichide we xelq'arada amérikani ajizlashturush".

U yene mundaq dégen: "Xitay kompartiyesining axirqi nishani néme? aldi bilen dunyadiki iqtisadiy derijidin tashqiri chong döletke aylinish, andin dunyaning herbiy derijidin tashqiri chong dölitige aylinish, andin dunyaning pul ölchimige aylinish we aqiwette özlirining kommunist, mustebit we zalim sistémisini dunyaning herqaysi jaylirigha tarqitishtin ibaret. Biz bolsaq ularning bundaq qilishigha yol qoyupla qalmay, hetta téxi ulargha buning pulini tölep bériwatimiz. Buni hel qilishning charisi néme? xitaydin barliq munasiwetlerni üzüsh we uni yalghuz qoyush".

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet