Америка ташқи ишлар министирлиқи хитай компартийәсиниң бирликсәп әмәлдариға виза ембаргоси қойди

2020-12-04
Share

Америка ташқи ишлар министирлиқи хитайниң чәтәлдики уйғур, тибәт қатарлиқ хәлқләргә тәһдит селип кәлгән бирликсәп әмәлдарлириға виза ембаргоси қойғанлиқини елан қилди. Америка ташқи ишлар министири майк помпейониң билдүрүшичә, у хитай бирликсәп бөлүминиң зораванлиқ вә оғрилиқ қилған, башқиларниң учурини ашкарилиған, җасуслуқ қилған, бузғунчилиқ вә ички сиясәткә яман ғәрәз билән арилашқан, илмий әркинликкә, шәхсий яки сода мәхпийәтликини ашкарилап кәлгән әмәлдарлириға виза ембаргоси қоюшни қарар қилған.

Майк помпейо 4-декабир елан қилған баянатида, хитай бирликсәп бөлүминиң чәтәлдики тәшкилатларни пул билән тәминләп, өзиниң тәшвиқатини яйғанлиқи, бейҗиңниң сияситигә қарши чиққанларни бозәк қилип кәлгәнликини билдүргән. Униң тәкитлишичә, хитай бирликсәп бөлүми йәнә "илмий хадимлар, сода саһәси, аммиви тәшкилатлар, хитай муһаҗирлирини, хусусән шинҗаң вә тибәттики қәбиһ кишилик һоқуқ дәпсәндичиликигә қарши сөз қилған аз санлиқ милләтләрни вә диний аз санлиқларни қорқутуп кәлгән" икән.

Майк помпейо баянатида, өзиниң виза чәклимисини давамлиқ йүргүзүп, хәлқара низамға хилап бу хил һәрикәтләрниң америкада қарши елинмайдиғанлиқини ениқ ипадиләйдиғанлиқини билдүргән. Америка ташқи ишлар министирлиқи буниң алдида хитай компартийәси әзалириға вә уларниң аилә тавабиатлириға виза чәклимиси қойидиғанлиқи, уларниң саяһәт визисиниң бир ай билән чәклинидиғанлиқини елан қилғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт