Amérika tashqi ishlar ministirliqi xitay kompartiyesining birliksep emeldarigha wiza émbargosi qoydi

2020-12-04
Share

Amérika tashqi ishlar ministirliqi xitayning chet'eldiki Uyghur, tibet qatarliq xelqlerge tehdit sélip kelgen birliksep emeldarlirigha wiza émbargosi qoyghanliqini élan qildi. Amérika tashqi ishlar ministiri mayk pompéyoning bildürüshiche, u xitay birliksep bölümining zorawanliq we oghriliq qilghan, bashqilarning uchurini ashkarilighan, jasusluq qilghan, buzghunchiliq we ichki siyasetke yaman gherez bilen arilashqan, ilmiy erkinlikke, shexsiy yaki soda mexpiyetlikini ashkarilap kelgen emeldarlirigha wiza émbargosi qoyushni qarar qilghan.

Mayk pompéyo 4-dékabir élan qilghan bayanatida, xitay birliksep bölümining chet'eldiki teshkilatlarni pul bilen teminlep, özining teshwiqatini yayghanliqi, béyjingning siyasitige qarshi chiqqanlarni bozek qilip kelgenlikini bildürgen. Uning tekitlishiche, xitay birliksep bölümi yene "Ilmiy xadimlar, soda sahesi, ammiwi teshkilatlar, xitay muhajirlirini, xususen shinjang we tibettiki qebih kishilik hoquq depsendichilikige qarshi söz qilghan az sanliq milletlerni we diniy az sanliqlarni qorqutup kelgen" iken.

Mayk pompéyo bayanatida, özining wiza cheklimisini dawamliq yürgüzüp, xelq'ara nizamgha xilap bu xil heriketlerning amérikada qarshi élinmaydighanliqini éniq ipadileydighanliqini bildürgen. Amérika tashqi ishlar ministirliqi buning aldida xitay kompartiyesi ezalirigha we ularning a'ile tawabi'atlirigha wiza cheklimisi qoyidighanliqi, ularning sayahet wizisining bir ay bilen cheklinidighanliqini élan qilghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet