Amérika-xitay arisidiki birinchi basquchluq "Soda kélishimi" imzalandi

Muxbirimiz irade
2020-01-16
Élxet
Pikir
Share
Print

15-Yanwar küni aqsarayda amérika-xitay arisidiki birinchi basquchluq "Soda kélishimi" imzalandi.

CNN Téléwiziyesining bu heqtiki xewirige qarighanda, birinchi basquchluq kélishimge asasen xitay amérikadin kéyinki ikki yil ichide yene 200 milyard dollar qimmitide tawar mal we mulazimet sétiwalidiken. Éksport qilinidighan mallarning mutleq köp qismini yéza-igilik mehsulatliri teshkil qilidiken.

Amérika terep bolsa xitayning 120 milyard dollar qimmitidiki mallirigha qoyulghan eslidiki 15 pirsentlik bajni 7 yérim pirsentke chüshürüshke qoshulghan.

Eger bu kélishim heqiqeten emeliyleshken teqdirde amérikaning xitaygha qaratqan éksport sommisi eslidiki 185 milyard dollardin halqip, 2020-yili 260 milyard dollar, 2021-yili bolsa 310 milyard dollargha yétidiken.

Bu qétimliq kélishimde yene amérika shirketlirining eqliy mülük hoquqini qoghdashqa munasiwetlik muhim maddilarmu kirgüzülgen iken. Emma xitayning dölet igidarchiliqidiki karxanilarni qollash arqiliq adaletsiz riqabetke yol échishqa munasiwetlik mesililer téxi tilgha élinmighan.

"Wol-sitrit zhurnili" géziti bu heqtiki xewiride "Birinchi basquchluq kélishim" ni amérika prézidénti donald trampning ghelibisi dep qarashqa bolidighanliqini, chünki bu kélishimde amérikagha paydiliq amillar köplükini bildürgen. Xewerde yene emma xitayning amérikagha wede qilghan bu mallarni sétiwélish iqtidari bar-yoqluqi we kélishimde belgilen'gen maddilargha xitayning emel qilish yaki qilmasliqining mutexessiler teripidin inchiklik bilen közitilishining zörürlükini tekitligen.

Toluq bet