Доналд трамп: «хитайға қаритилған таможна беҗини ашурмаслиқимиз мумкин!»

Мухбиримиз әзиз
2019-02-13
Елхәт
Пикир
Share
Принт

Америка билән хитай оттурисидики сода сөһбити вақитлиқ тохтиғандин буян 11-феврал күни америка малийә министири стевин минучин бейҗиңға сөһбәт үчүн барған иди.

13-Феврал күни у сөһбәт ахирлашқандин кейин мухбирларниң соаллириға җаваб берип «сөһәт барғансери яхши болуватиду,» дегән. Әмма өзиниң ким билән сөһбәттә болғанлиқини ашкарилимиған.

Бу һәқтә америка президенти доналд трамп вашингтон шәһиридә мухбирларниң соаллириға җаваб берип, икки тәрәп үчүн бекитилгән «90 күнлүк сүрүк» мәзгилиниң қәрәли болған 2-март күнини «азрақ кечиктүрүш еһтималиниң барлиқини» билдүргән. У бу һәқтә сөз қилип «сөһбитимиз оңушлуқ меңип кәтсә мәзкур сүрүкни йәнә бир мәһәл узартимиз» дегән.

Сода сөһбити мәсилисидә америка һөкүмити 2-март күни икки тәрәп ортақ келишимгә келәлмисә хитайдин импорт қилинған товарларға қарита 200 милярд америка доллирилиқ таможна беҗи қоюлидиғанлиқини билдүргән иди.

Бүгүн доналд трамп бу һәқтә сөз қилип «хитай билән болған сөһбитимиз оңушлуқ меңиватиду. Хитай ишларни наһайити осал шәкилдә бир яқлиқ қилип кәлгән. Биз бу қетим ишларни тоғра шәкилдә бир яқлиқ қилишни үмид қилимиз,» дегән һәмдә хитай тәрәпниң өзлири қойған шәртләргә мақуллуқ билдүрүватқанлиқини ишарә қилған.

Пикирләр (0)
Share
Толуқ бәт