Donald tramp: "Xitaygha qaritilghan tamozhna béjini ashurmasliqimiz mumkin!"

Muxbirimiz eziz
2019-02-13
Élxet
Pikir
Share
Print

Amérika bilen xitay otturisidiki soda söhbiti waqitliq toxtighandin buyan 11-féwral küni amérika maliye ministiri stéwin minuchin béyjinggha söhbet üchün barghan idi.

13-Féwral küni u söhbet axirlashqandin kéyin muxbirlarning so'allirigha jawab bérip "Söhet barghanséri yaxshi boluwatidu," dégen. Emma özining kim bilen söhbette bolghanliqini ashkarilimighan.

Bu heqte amérika prézidénti donald tramp washin'gton shehiride muxbirlarning so'allirigha jawab bérip, ikki terep üchün békitilgen "90 Künlük sürük" mezgilining qereli bolghan 2-mart künini "Azraq kéchiktürüsh éhtimalining barliqini" bildürgen. U bu heqte söz qilip "Söhbitimiz ongushluq méngip ketse mezkur sürükni yene bir mehel uzartimiz" dégen.

Soda söhbiti mesiliside amérika hökümiti 2-mart küni ikki terep ortaq kélishimge kélelmise xitaydin import qilin'ghan towarlargha qarita 200 milyard amérika dolliriliq tamozhna béji qoyulidighanliqini bildürgen idi.

Bügün donald tramp bu heqte söz qilip "Xitay bilen bolghan söhbitimiz ongushluq méngiwatidu. Xitay ishlarni nahayiti osal shekilde bir yaqliq qilip kelgen. Biz bu qétim ishlarni toghra shekilde bir yaqliq qilishni ümid qilimiz," dégen hemde xitay terepning özliri qoyghan shertlerge maqulluq bildürüwatqanliqini ishare qilghan.

Toluq bet