Prézidént tramp xitay éksport mehsulatlirigha bajni köpeytidighanliqini bildürdi

Muxbirimiz erkin
2019-05-06
Élxet
Pikir
Share
Print

Amérika prézidénti donald tramp 5‏-may küni twétérda uchur yollap, kéler jüme künidin bashlap xitayning 200 milyard dollarliq éksport mehsulatigha qoyulghan bajni 25% ke chiqiridighanliqini bildürgen.

Prézidént trampning, axirqi qétimliq amérika-xitay soda söhbiti bu hepte washin'gtonda bashlinish aldida turghan bir waqitta bu sözlerni qilishi qattiq ghulghula qozghidi. Amérikadiki taratqular ötken hepte amérika bilen xitayning bu qétim axirqi soda kélishim layihesini imzalishi mumkinlikini bildürgen idi. Prézidént tramp 5‏-may küni twétérda yollighan uchurida "Amérika ötken 10 aydin béri qimmiti 200 milyard dollarliq xitay import mehsulatigha 10% baj qoyup kelgen. Lékin bu kéler jüme künidin bashlap 25% ke chiqirilidu. Uningdin sirt yéqin kelgüside yene qimmiti 325 milyard dollarliq xitay import mehsulatigha 25% baj qoyushi mumkin" dégen.

Roytérs agéntliqining xewiride ilgiri sürülüshiche, prézidént trampning tuyuqsiz bu qararni élan qilishida amérika soda söhbet wekili laytérzérning uninggha söhbetning yéqinqi tereqqiyati heqqide bergen doklati rol oynighan iken. Laytérzér uninggha xitayning burun bergen bezi wediliridin yéniwélish niyiti barliqini bildürgen. Shunga, prézidént tramp twétérda, "Amérika-xitay soda söhbiti dawamlishiwatqan bolsimu, lékin sür'iti bek asta. Xitay bezi détallar üstide qayta söhbet ötküzüshke urunmaqta. Méning buni qobul qilishim mumkin emes" dep tekitligen. Prézidént tramp ötken yili 9‏-ayda xitayning 200 milyard dollarliq import mehsulatigha 10% baj qoyushni qarar qilghan. Bu qarar bu yil 1‏-ayning 1‏-künidin bashlap ijra qilinishqa bashlighan idi.

Prézidént trampning sözi düshenbe küni xitay pay chéki bazirigha qattiq tesir qilghan. Roytérsning bildürüshiche, düshenbe küni xitayning asasliq pay chéki körsetküchliri 5 % chüshüp ketken. Bu, uning yéqinqi 3 yildin béri eng chüshüshi bolup, bazargha pay chéki salghan 1000 dek xitay shirkiti pay chéki sétishni derhal toxtatqan.

Toluq bet