Prézidént tramp: "Xitay bilen soda kélishimi imzalashqa aldirashning hajiti yoq"

Muxbirimiz erkin
2019-05-10
Share

Amérika prézidénti tramp 10 may küni etigende twéttérda uchur yollap, xitay bilen soda kélishimi imzalashqa aldirashning héchqandaq hajiti yoqluqini bildürgen.

U bu uchurni amérika hökümiti xitayning 200 milyard dollarliq import mehsulatigha 25 pirsent tamozhna béji qoyushni ijra qilishqa bashlap bir qanche sa'ettin kéyinla yollighan. Prézidént tramp amérika-xitay soda söhbiti 9 may küni washin'gtonda ötküzülüsh harpisida 200 milyard dollarliq xitay mehsulatigha baj qoyidighanliqini élan qilip, uning 10 may künidin bashlap ijra qilinidighanliqini bildürgen idi. Uning bajni östürüsh qarari xitayning mu'awin bash ministiri lyu xé bashchiliqidiki soda wekiller ömiki washin'gtonda amérika maliye ministiri mnuchin, soda ministiri laytxayzér bilen söhbet ötküzüp, téxi söhbet axirlashmighanda ijra qilinishqa bashlan'ghan idi.

Prézidént tramp uchurida "Xitay bilen bolghan söhbet nahayiti dostane keypiyatta dawam qilmaqta. Baj östürülüp, xitay 250 milyard dollarliq mehsulati üchün amérikigha 25 pirsent baj tölewatqan ehwalda aldirashqa héchqandaq hajet yoq. Bu zor tölenme biwasite amérika xezinisige kiridu" dégen. U buning aldida yollighan twétér uchurida "Xitay axirqi minutqa kelgende söhbet kélishimini qayta muzakire qilimiz, dése bolmaydu. Biz xitayni bu ishtin qéchip qutulushigha boptu deydighan obama hökümiti yaki exmeq jo'éning hökümiti emes" dégen.

Roytérs agéntliqining ashkarilishiche, xitay terep ötken hepte béyjingda ötküzülgen söhbette burun bergen wediliridin yéniwélip, kélishimni qayta muzakire qilishni telep qilghan iken. Közetküchiler washin'gtonda ötküzülüwatqan axirqi söhbette héchqandaq netije chiqmaydighanliqini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet