Amérika hökümiti xitayning 300 milyard dollarliq mehsulatlirigha tamozhna béji qoymaqchi

Muxbirimiz sada
2019-05-15
Élxet
Pikir
Share
Print

14-May amérika-xitay otturisidiki soda urushida xitay terep amérika bilen "Axirighiche élishidighanliqini" bildürgendin kéyin, amérika terep tamozhna béji qoyush imkaniyiti bolghan xitayning 300 milyard dollarliq mehsulatlirini tizimlap chiqqan.

"Dewr" torining munasiwetlik xewiridin melum bolushiche, amérika prézidénti donald tramp 5-may küni %10 din %25 lik ölchem boyiche xitayning 200 milyard dollarliq mehsulatlirigha tamozhna béji qoyidighanliqi heqqide xitaygha agahlandurush bergen.

Xitay hökümiti 13-may buninggha inkas qayturup, amérikaning 60 milyard dollarliq mehsulatlirigha tamozhna béji qoyidighanliqini jakarlighan. 14-May küni xitay tashqi ishlar ministirliqining bayanatchisi géng shu'ang bayanat élan qilip, "Junggo amérika bilen axirghiche élishidu, bizning öz menpe'etimizni qoghdash iqtidarimiz we iradimiz bar, bizning soda urushigha qarshi tedbirimiz köp tereplimilik bolup, soda sistémisini qoghdashtiki iradimizni körsitip béreleydu," dégen.

Xewerdin melum bolushiche, amérika terep bu qétim tizimlap chiqqan 300 milyard dollarliq xitay mehsulatliri 3805 türni öz ichige alidiken. Bu yene bir jehettin trampning 5-maydiki agahlandurushini emelge ashurushidiki muhim bir qedem basquch hésablinidiken.

Toluq bet