Америка хитайдики әң чоң йерим өткүзгүч ишләп чиқарғучидин мунасивитини үзмәкчи

Мухбиримиз җүмә
2020-09-06
Елхәт
Пикир
Share
Принт

Америка һөкүмити хитайдики әң чоң йерим өткүзгүч ишләп чиқарғучи - хитай електрон технологийә гуруһи билән сода мунасивитини үзүшни ойлашмақта икән.

«Вашингтондин почиси гезити» ниң америка дөләт мудапиә министирлиқиниң бу һәқтики учурлиридин нәқил елип хәвәр қилишичә, трамп һөкүмити хитайниң «йерим өткүзгүч ишләпчиқириш хәлқара гуруһи» ни қара тизимликкә киргүзүш мәсилини музакирә қилмақта икән.

Хәвәрдә көрситишичә, бу америка-хитай арисидики технологийә мунасивәтлириниң техиму җиддийләшкәнликиниң аламити икән.

Хәвәргә қариғанда, әгәр хитайниң мәзкур ширкити американиң муәссәсә тизимликигә киргүзүлсә мәзкур ширкәтниң мәһсулатлирини америкида сетиш иши тәслишидикән. Бу ширкәтниң мәһсулатлири үстидин елип берилидиған тәкшүрүш күчәйтилип, ширкәт америкиға мал киргүзүш үчүн алаһидә иҗазәтнамә илтимас қилишқа тоғра келидикән.

Ройтерисниң хәвәр қилишичә, дөләт мудапиә министирлиқи баянатчиси суеи гоғ әгәр шундақ тәдбир қоллинилидиған болса, хитай йерим өткүзгүч ширкитиниң техиму тәпсилий тәкшүрүштин өтидиғанлиқини билдүргән.

Әмма у тәкшүрүшниң сәвәби һәққидә изаһат бәрмигән.

Хәвәргә қариғанда, «SOS хәлқара ширкити» дәп атилидиған америкида дөләт мудапиә саһәсиниң тохтамлиқ һөддигири өткән ай елан қилған бир доклатида хитай йерим өткүзгүч ясаш ширкитиниң хитай дөләт мудапиә тармақлири билән мунасивити барлиқини, болупму һәрбий електоронлуқ мәһсулат ясаш ширкити «CETC» йәни хитай електрон технологийә гуруһи билән узун йиллардин буян йеқин мунасивәтни сақлап кәлгәнликни билдүргән.

Мәлум болушичә, «CETC» йәни хитай електрон технологийә гуруһи 2016-йили америка сода министирлиқиниң қара тизимликигә елинған хитай ширкитиниң бири икән.

«Муәссәсә тизимлики» йәни «қара тизимлик» америка һөкүмитиниң америкида сода қилиши яки америка юқири техникилирини ишлитиши чәкләнгән ширкәт, орган вә һөкүмәт му‍әссәсилириниң тизмини көрситиду.

Өткән йилидин буян уйғур елидики кишилик һоқуқ дәпсәндичиликидә рол алған 30 дин артуқ хитай ширкити америкиниң мәзкур қара тизимликигә киргүзүлгән вә уларниң американиң юқири техникилирини сетивелиши чәкләнгән иди.

Пикирләр (0)
Share
Толуқ бәт