Xitay amérika awam palata ezasi shon patrik maloniygha wiza bérishni ret qilghan

Muxbirimiz erkin
2019-10-14
Élxet
Pikir
Share
Print

Xitay hökümitining amérikaning jumhuriyetchlerdin bolghan awam palata ezasi shon patrik maloniygha wiza bérishni ret qilip, uninggha eger teywenni ziyaret qilish pilanidin waz kechse andin wiza béridighanliqini bildürgen.

Shon patrik maloniy 13‏-öktebir küni "Wol stérét zhurnili" gézitide maqale élan qilip, xitayning bu herikitini "Qaqti-soqtiliq qilish" dep eyibligen. Uning maqaliside ilgiri sürüshiche, xitay hökümiti teywen mesiliside bu xil mentiqe bilen heriket qilipla qalmay, xongkong we Uyghur mesililiridimu bu xil mentiqe bilen heriket qilmaqta iken.

U "Béyjing dölet mejlisini aniy tapmaqta" serlewhilik maqaliside xitayning teywenni bésishtek exmiqane qilmishi amérika dölet mejliside teywen'ge bolghan qollashni téximu kücheytidighanliqini tekitlep, özining kelgüsi bir qanche ay ichide dölet mejliside amérikaning teywen'ge bolghan qollishini kücheytish üchün heriket qilidighanliqini bildürgen.

Shon partik maloniyning bildürüshiche, xitay terep amérika dölet mejlisining awam palata ezasi maloniyni öz ichige alghan wekiller ömikige wiza bérishni ret qilghan. Maloniyning bildürüshiche, xitay terep uning teywen'ge pilanlighan ziyaritini bikar qilishini shundaqla bayanat élan qilip, béyjingning "Bir junggo prinsipi" ni qollaydighanliqini bildürüshi, shundaq qilsa'andin uninggha wiza béridighanliqini bildürgen. Lékin maloniy xitayning telipini ret qilghan.

U maqaliside yene xelq'arada teywenni chekleshke urunup kéliwatqan xitayning xongkongdiki naraziliq heriketliride shundaqla shinjangdiki Uyghurlarni qanunsiz tutqun qilish mesililiride oxshash menteqe bilen heriket qiliwatqanliqini tekitligen. U "Xongkong namayishchilirini we Uyghur tutqunlirini kemsitip kéliwatqan xitay teshwiqati xitay puqraliridiki milletchilikini ulghaytip, kompartiyening siziqini mangmighan amérika karxanilirini bayqut qilishqa righbetlendürmekte," dégen.

Toluq bet