Америка-японийә рәһбәрлириниң учришишида уйғурлар мәсилиси ‍орун игиләмду?

Мухбиримиз әзиз
2021-04-16
Share

Америка һөкүмити башчилиқидики ғәрб әллириниң уйғурлар дуч келиватқан ирқий қирғинчилиқ мәсилисидә хитайни әйиблишигә барғансери көп дөләтләр әгишиватқанда японийә һөкүмитиниң бу мәсилидә қандақ мәвқәдә болуши җамаәтниң диққитидә болушқа башлиди.

16-Апрел күни вашингтонға хизмәт зияритигә кәлгән японийә баш вәзири йошихиде суга билән америка президенти җов байден ақсарайда учришип, икки тәрәпниң рәсмий сөһбити башланди. Икки тәрәп сөһбитидә қайси мәзмунларниң орун алғанлиқи һазирчә намәлум болсиму, әмма хитай һөкүмити бирдәк "рәқиб" дәп қарайдиған бу икки дөләт рәһбәрлириниң учришишини көплигән анализчилар хитайға қайтурулған тивишсиз җаваб, дәп қаримақтикән.

Ройтерис агентлиқиниң бу һәқтики хәвиридә ейтилиишчә, хитай ташқи ишлар министирлиқиниң баянатчиси җав лиҗйән бу һәқтә мухбирларға сөз қилип: "америка вә японийә бизниң тәлипимизгә җиддий муамилә қилиши, бизниң ички ишлиримизға арилишиштәк қилмишлардин нери туруши лазим" дегән. Анализчилар бу йәрдики "ички ишлар" дегәнниң уйғурлар вә хоңкоң мәсилиси икәнликини алға сүриду.

Нөвәттә бу мәсилиләрниң икки тәрәп сөһбитидә қанчилик орун елиши намәлум болсиму, һәр икки тәрәпниң хитай билән болған мунасивитидә көплигән йирикликниң барлиқини әскәрткән анализчилар "бу мәсилиләр һеч болмиғанда музакирә темилиридин бири болуши мумкин" дейишмәктикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт