Amérika-yaponiye rehberlirining uchrishishida Uyghurlar mesilisi ‍orun igilemdu?

Muxbirimiz eziz
2021-04-16
Share

Amérika hökümiti bashchiliqidiki gherb ellirining Uyghurlar duch kéliwatqan irqiy qirghinchiliq mesiliside xitayni eyiblishige barghanséri köp döletler egishiwatqanda yaponiye hökümitining bu mesilide qandaq mewqede bolushi jama'etning diqqitide bolushqa bashlidi.

16-Aprél küni washin'gton'gha xizmet ziyaritige kelgen yaponiye bash weziri yoshixidé suga bilen amérika prézidénti jow baydén aqsarayda uchriship, ikki terepning resmiy söhbiti bashlandi. Ikki terep söhbitide qaysi mezmunlarning orun alghanliqi hazirche namelum bolsimu, emma xitay hökümiti birdek "Reqib" dep qaraydighan bu ikki dölet rehberlirining uchrishishini köpligen analizchilar xitaygha qayturulghan tiwishsiz jawab, dep qarimaqtiken.

Roytéris agéntliqining bu heqtiki xewiride éytili'ishche, xitay tashqi ishlar ministirliqining bayanatchisi jaw lijyen bu heqte muxbirlargha söz qilip: "Amérika we yaponiye bizning telipimizge jiddiy mu'amile qilishi, bizning ichki ishlirimizgha arilishishtek qilmishlardin néri turushi lazim" dégen. Analizchilar bu yerdiki "Ichki ishlar" dégenning Uyghurlar we xongkong mesilisi ikenlikini algha süridu.

Nöwette bu mesililerning ikki terep söhbitide qanchilik orun élishi namelum bolsimu, her ikki terepning xitay bilen bolghan munasiwitide köpligen yiriklikning barliqini eskertken analizchilar "Bu mesililer héch bolmighanda muzakire témiliridin biri bolushi mumkin" déyishmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet