Amérikaliq xitaylarning xitayni yaxshi körüsh nisbiti töwen iken

• Washin'gtondin muxbirimiz jewlan teyyarlidi
  2023-08-02

Yéqinda “Bügünki amérika” (USA Today) torida élan qilin'ghan bir maqalide, amérikada omumyüzlük élip bérilghan bir ray sinash netijisi muhakime qilin'ghan. Uningda éytilishiche, asiyadin kelgen amérikaliqlarning öz dölitini yaxshi körüsh nisbitide xitay eng töwen chiqqan, az nisbettiki amérikaliq xitaylarla xitayni yaxshi köridighanliqini éytqan.

Bu ray sinash 2022-yil 7-aydin 2023-yil 1-ayghiche élip bérilghan bolup, xitay, hindistan, yaponiye, koréye, filippin, teywen, wiyétnam qatarliq döletlerdin köchmen bolghan asiyaliq amérikaliqtin 7000 adem ray sinashqa qatnashqan. Ray sinash netijiside, xitaylar bilen wiyétnamliqlardin bolghan amérikaliqlar bashqa döletlerni öz dölitidin yaxshi dep qarighan. Amérikaliq xitaylar ichide teywenni chong quruqluqtin yaxshi dep qaraydighanlar köprek bolghan.

Maqalide körsitilishiche, ray sinash netijisining bundaq bolushidiki seweb, amérikadiki asiyaliq köchmenlerning 60 pirsenti chet elde tughulghan bolup, ularning hemmisining dégüdek mustebit hakimiyettin qéchishtek tarixi bar iken. Xitaylargha kelsek, ularning köpinchisi “Medeniyet zor inqilabi” we “Tyen'enméin qirghinchiliqi” din kéyin kommunist xitayning zulumdin qéchip chiqqanlar bolup, xitaydiki kishilik hoquq depsendichiliki, xongkongdiki basturush, kowid mezgilidiki qamal siyasiti qatarliqlarmu ularda ümidsizlik we nepret peyda qilghan.

Uningdin bashqa, amérikaliqlar ichide élip bérilghan ray sinashtimu, ularning tolisining xitaygha nisbeten selbiy köz qarashta ikenliki melum bolghan.