"Nyuyork waqti" géziti: "Bu yerde néme üchün deydighan so'al yoq"

Muxbirimiz sada
2019-04-16
Élxet
Pikir
Share
Print

Xitay hökümitining Uyghur diyarida élip bériwatqan éghir basturush we qattiq teqib siyasetliri ijtima'iy taratqular arqiliq xelq'aragha ashkara boluwatqan bir peytte, Uyghur diyarida ziyarette bolghan "Nyuyork waqti" géziti muxbirining ziyaret xatirisi shu yerdiki weziyetni téximu eynen yorutup bergen.

"Nyuyork waqti" gézitining 16-apréldiki xewirige qarighanda, muxbir pa'ul mozur qeshqer shehiride töt kün ziyarette bolghan bolup, bu jeryanda yette neper xitay saqchisi izchil uning izigha chüshken. 

Xewerdin melum bolushiche, pa'ul mozur yerlik ahaliler bilen pikir almashturushqa urun'ghan bolsimu, halbuki xitay saqchilar buninggha tosalghuluq qilghan. Ular uni "Tekshürüsh ponkitliri" da toxtitip, qol-téléfonlirini tekshürgen we ichidiki resim we sin-körünüshlerni öchürüwetken.

Uning déyishiche, qeshqer shehirining ichidiki herqandaq yerge bérish üchün, choqum "Tekshürüsh ponkiti" din ötishi shert iken. Bu xil ponkitta bir "Yéshil yol" bar bolup, bu yol mexsus sayahetchiler we xitay ahaliler üchün yasalghan iken, ular kimliksiz ötüp kételeydiken, emma Uyghurlar choqum kimlikni körsitishi shert iken. 

Muxbirning bayanliridin melum bolushiche, pa'ul mozur özining bir xizmetdishi bilen mashina ijare élip sayahet qilmaqchi bolghanda, xitay saqchilar atalmish "Qatnash weqesi" ni seweb qilip, yolni tosuwalghan. Uning bayanliridiki bir qiziq nuqta shuki, "Qatnash weqesi" peyda qilghan üch mashinining hemmisi bir yölinishte toxtitip qoyulghan bolup, sirtida héchqandaq soqulghan iz yoq iken. 

U mundaq deydu: "Bir küni bir xitay saqchi bizni yolda tosuwaldi we xizmetdishimning qol-téléfonini tekshürüp, ichidiki bir tögining süritini öchürüwetti. Xizmetdishim sewebini sorighinida, u saqchi jawaben, 'xitayda néme üchün deydighan so'al yoq' dédi."

Toluq bet