Xitay ishliri komitéti: "Xitay hökümitining insaniyetke qarshi jinayet sadir qiliwatqanliqigha da'ir küchlük pakitlar bar"

Muxbirimiz irade
2020-01-08
Élxet
Pikir
Share
Print

Amérika dölet mejlisi qarmiqidiki xitay ishliri komitéti 8-yanwar küni élan qilghan yilliq doklatida "Xitay hökümitining insaniyetke qarshi jinayet sadir qiliwatqanliqigha da'ir küchlük pakitlar bar", dep körsetti.

Uyghur élining weziyiti xitay ishliri komitétining xitayning kishilik hoquq we qanunning ijra qilinish weziyiti bahalap chiqilidighan bu yilliq doklatidin ayrim bir sehipe süpitide orun alghan bolup, buningda "Komitétimiz xitay hökümitining rayonda Uyghurlar we bashqa musulman türkiy milletler üstidin 'insaniyetke qarshi jinayet' sadir qiliwatqanliqigha ishinidu" dep yézilghan. 

Doklatta yene, xitay hökümitining Uyghur élide zor kölemlik tutqun herikiti yürgüzüp yighiwélish lagérlirini qurghanliqi, bu orunlarda heqiqiy reqem éniq bolmasliq bilen birge az dégende bir milyondin oshuq tutqun barliqi bayan qilin'ghan shuningdek yene mejburiy emgek mesilisimu tilgha élin'ghan. 

Doklatta yene, xitay hökümitining Uyghur élide lagér sirtidimu yuqiri téxnikiliq nazaret sistémisini qollinish arqiliq, Uyghurlar we bashqa milletlerge orwélche saqchi sistémisi arqiliq zulum qiliwatqanliqi eskertilgen.

Amérika dölet mejlisi qarmiqidiki xitay ishliri komitétining bu yilliq doklati mezkur komitét re'isi jeymis makgowrn we mu'awin re'isi marko rubiyolarning imzasi bilen élan qilin'ghan. Doklat élan qilinishi munasiwiti bilen 8-yanwar küni etigende amérika dölet mejlisi binasida axbarat élan qilish yighini ötküzüldi. Paytext washin'gton etrapidiki bir qisim Uyghurlar qollirida lagérlargha solan'ghan uruq-tughqanlirining resimlirini tutup turup bu axbarat yighinigha qatniship diqqet tartti. Bu heqtiki tepsili melumatlar tepsili xewerler sehipimizde dawamliq diqqitinglarda bolidu.

Toluq bet