Amérika dölet mejlisi ezaliri donald trampqa Uyghurlar mesilisini yene bir qétim esletti

Muxbirimiz eziz
2020-01-15
Élxet
Pikir
Share
Print

Xitay hökümiti bilen amérika otturisidiki soda kélishimining birinchi basquchi imzaliniwatqanda amérika dölet mejlisining bir qisim ezaliri amérika prézidénti donald trampqa yene bir qétim Uyghurlar mesilisini eskertti.

"Nyo-york waqti géziti" ning 14-yanwardiki sanigha bésilghan bu heqtiki xewerde éytilishiche, dölet mejlisi ezaliridin marko rubiyo, jim mekgowérn qatarliq alte kishi özlirining xitayda dawam qiliwatqan "Amérika puqraliri we yéshil karta bérilgen kishilerning tutqun qilinishi, shuningdek bir qisim amérika puqralirining xitaydin ayrilishigha yol qoyulmaywatqanliqi" din endishe qiliwatqanliqini bildürgen. 

Ularning prézidént donald trampqa yollighan birleshme mektubida "Biz sizni qedirdan kishiliri xitayda qamaqqa élin'ghan amérika puqraliri bilen yüzturane körürüshke dewet qilimiz. Shundaqla bu mesilini re'is shi jinping bilen bolghan söhbette otturigha qoyushingizni soraymiz," déilidu. Ularning mektubida xitayda qolgha élin'ghan yette kishining ismi bérilgen bolup, ular amérika puqrasi we yéshil karta alghanlar iken. Bu mektupta alahide qilip Uyghur diyaridin amérikagha kelgen hemde yéshil karta bérilgen bir qisim kishilerning ehwali tekitlinip "Bu kishiler hazir shinjangda qamaqqa élin'ghan. U jayda bolsa hazir bir milyon sekkiz yüz ming Uyghur we bashqa türkiy xelq qamaqqa élinip boldi," déyilidu. 

Melum bolushiche, bu qétimqi mektupta ismi tilgha élin'ghan kishiler ichide Uyghurlar yoq iken. Emma bezi analizchilar mektupta yéshil karta bérilgen bir qisim kishilerning Uyghur diyarida qamaqqa élinishining alahide eskertilishini Uyghurlar üchün zor ijabiy qimmetke ige, dep qarimaqta iken.

Toluq bet