Америка әлчиханиси: "америка барлиқ дипломатик тәдбирләрни қоллинип, кишилик һоқуқни хорлиғучиларни җавабкарлиққа тартиду"

Мухбиримиз әркин
2021-04-02
Share

Американиң грузийәдики әлчиханиси 1-апрел хәвәр берип, американиң хәлқара шериклири билән дуня миқясида корона вируси юқумини баһанә қилип, зулумни күчәйкән диктатурларға қарши кишилик һоқуқни қоғдайдиғанлиқи, барлиқ дипломатик вастиларни ишлитип, кишилик һоқуқни хорлиғучиларни җавабкарлиққа тартидиғанлиқи, уйғурларни хорлиған хитай әмәлдарлирини җазалиши буниң сигнали икәнликини билдүргән.

Хәвәрдә америка ташқий ишлар министири блинкенниң "хәлқләрниң әркинлики вә иззәт-һөрмитини қоғдаш американиң әң муқәддәс қиммәт өлчими" дәп көрсәткәнлики нәқил кәлтүрүлгән. Хәвәрдә блинкенниң "хитай компартийәсиниң шинҗаңда уйғурларни хорлиғанлиқи, райондики мусулманларни асас қилған бу аз санлиқ милләт топиниң әзалирини тутқун қилған, мәҗбури әмгәккә салған, кәң-көләмлик туғмас қилғанлиқи" ни ейтқанлиқи тәкитләнгән.

Хәвәрдә мундақ дейилгән: "америка хәлқара шериклири билән һәмкарлишип, кишилик һоқуққа хилаплиқ қилған һакимийтәтләни җазлайду вә тосуйду. Канада, әнгилийә вә явропа иттипақи америкиға қошулуп, уйғурлар вә шинҗаңдики башқа аз санлиқ гуруппиларни хорлашта җавабкарлиқи бар хитай хәлқ җумһурийитиниң әмәлдарлирини җазалиди."

Хәвәрдә йәнә блинкенниң "президент байден кишилик һоқуқни америка ташқий сияситиниң мәркизигә қоюшни вәдә қилди", "биз барлиқ дипломатик тәдбирләрни ишлитип, кишилик һоқуқни қоғдаймиз. Инсан һәқлирини хорлиғучиларни җавабкарлиққа тартимиз" дегәнлики тәкитләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт