Amérika elchixanisi: "Amérika barliq diplomatik tedbirlerni qollinip, kishilik hoquqni xorlighuchilarni jawabkarliqqa tartidu"

Muxbirimiz erkin
2021-04-02
Share

Amérikaning gruziyediki elchixanisi 1-aprél xewer bérip, amérikaning xelqara shérikliri bilen dunya miqyasida korona wirusi yuqumini bahane qilip, zulumni kücheyken diktaturlargha qarshi kishilik hoquqni qoghdaydighanliqi, barliq diplomatik wastilarni ishlitip, kishilik hoquqni xorlighuchilarni jawabkarliqqa tartidighanliqi, Uyghurlarni xorlighan xitay emeldarlirini jazalishi buning signali ikenlikini bildürgen.

Xewerde amérika tashqiy ishlar ministiri blinkénning "Xelqlerning erkinliki we izzet-hörmitini qoghdash amérikaning eng muqeddes qimmet ölchimi" dep körsetkenliki neqil keltürülgen. Xewerde blinkénning "Xitay kompartiyesining shinjangda Uyghurlarni xorlighanliqi, rayondiki musulmanlarni asas qilghan bu az sanliq millet topining ezalirini tutqun qilghan, mejburi emgekke salghan, keng-kölemlik tughmas qilghanliqi" ni éytqanliqi tekitlen'gen.

Xewerde mundaq déyilgen: "Amérika xelqara shérikliri bilen hemkarliship, kishilik hoquqqa xilapliq qilghan hakimiytetleni jazlaydu we tosuydu. Kanada, en'giliye we yawropa ittipaqi amérikigha qoshulup, Uyghurlar we shinjangdiki bashqa az sanliq guruppilarni xorlashta jawabkarliqi bar xitay xelq jumhuriyitining emeldarlirini jazalidi."

Xewerde yene blinkénning "Prézidént baydén kishilik hoquqni amérika tashqiy siyasitining merkizige qoyushni wede qildi", "Biz barliq diplomatik tedbirlerni ishlitip, kishilik hoquqni qoghdaymiz. Insan heqlirini xorlighuchilarni jawabkarliqqa tartimiz" dégenliki tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet