Америкадики икки партийә кишилик һоқуқ мәсилисидә хитайға бесим қилишта бирликкә кәлгән

Мухбиримиз җәвлан
2021-04-07
Share

Америка тәкшүрүш оргини тори 6-апрел елан қилған бир доклатта билдүрүлүшичә, америкадики демократлар партийәси билән җумһурийәтчиләр партийәси вәкиллири мәйли қанчилик иқтисадий зиян болушидин қәтийнәзәр, кишилик һоқуқ мәсилисидә хитайға бесим қилишқа қошулған.

Мәзкур тәкшүрүш оргини елан қилған санлиқ мәлуматқа қариғанда, һәр қандақ иқтисадий бәдәлгә қаримай хитайдики кишилик һоқуқ әһвалини яхшилашни қоллайдиған америкалиқлар 70 пирсәнтни, җумһурийәтчиләр 72 пирсәнтни, демократлар 69 пирсәнтни игиләйдикән. Бу тәкшүрүш нәтиҗиси чиқишниң алди-кәйнидә, байден һөкүмитиму хитай билән болидиған мунасивитидә кишилик һоқуқ мәсилисини алдинқи орунға қойидиғанлиқини билдүргән.

Рай синаш нәтиҗисигә қариғанда, 84 прсәнт америкалиқ хитайдики кишилик һоқуқ сиясити америка үчүн чатақ мәсилә дәп қарайдикән, буниң ичидә 50 пирсәнт киши бу наһайити еғир мәсилә дәп қарайдикән. Бәштин бир қисим америкалқлар хитай дегән һаман кишилик һоқуқ мәсилисини, буниң ичидә 3 пирсәнт адәм уйғурлар, ирқий қирғинчилиқ вә йиғивелиш лагерлирини тилға алидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт