Amérika dölet mejlis ezaliri xitayning Uyghurlargha qaratqan irqiy qirghinchiliqini eyiblesh heqqide qarar layihesini tonushturdi

Muxbirimiz irade
2021-04-15
Share

Amérika awam palatasi tashqi ishlar komitétining jumhuriyetchiler partiyesidin bolghan bashliqi maykél makkol we re'isi jorjiy méykis ortaq halda, xitay hökümiti Uyghurlargha qarshi élip bériwatqan irqiy qirghinchiliqini eyiblesh heqqide bir qarar layihesini tonushturghan.

Qararda prézidént baydén birleshken döletler teshkilatini irqiy qirghinchiliqning aldini élish we jazalash ehdinamisi boyiche Uyghur élida yürgüzülüwatqan wehshiyliklerni tekshürüshke chaqirishqa, b d t bixeterlik kéngishide xitay xelq jumhuriyitige qarshi köp tereplik jaza yürgüzüshke we bashqa barliq amallarni qollinish arqiliq irqiy qirghinchiliqni axirlashturushning yollirini izdeshke chaqirilghan.

Maykil makkol bayanatida mundaq dégen: "Xitay kommunistik partiyesi köp yillardin buyan öz puqralirigha qarita irqiy qirghinchiliq yürgüzüwatidu, ular hetta Uyghurlarni 'yaman süpetlik ösme' dep atidi. Bizning dunyaning her qandaq yéridiki irqiy qirghinchiliqqa qarshi turushtek exlaqiy mejburiyitimiz bar".

Jorjiy méykis bolsa: "Xitayning Uyghurlargha qaratqan kishilik hoquq depsendichiliki qobul qilghili bolmaydighan heriket. Xelq'ara jem'iyet birlikte ornidin turup, Uyghurlarni keng kölemde tutqun qilip, turmush usulini özgertip tehdit qilishtek bu mu'amilini eyiblishi kérek" dégen.

Yuqiridiki bu qarar layihesi amérika dölet mejlis ezalirining xitayning Uyghurlargha qaratqan irqiy qirghinchiliqini eyiblesh we uni jazalash yolida körsetken yene bir tirishchanliqi bolup hésablinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet