Америка таможна вә чегра башқуруш идариси хотән хавлиң ширкитиниң чач мәһсулатлирини чәклигән

Мухбиримиз әркин
2020-05-04
Елхәт
Пикир
Share
Принт

Америка таможна вә чегра башқуруш идариси һәр қайси чегра еғизлириға буйруқ чүшүрүп, «хотән хавлиң чач буюмлири чәклик ширкити» намлиқ хитай карханисиниң қисмән яки пүтүнләй чач буюмлирида ишләпчиқирилған мәһсулатлирини тутуп қелишни тәләп қилған.

«Базар көзники» намлиқ тор бекитиниң хәвәр қилишичә, америка таможна вә чегра башқуруш идариси хавлиң ширкитиниң мәһсулат ишләпчиқиришта мәҗбурий әмгәк ишлитиватқанлиқиға даир учурларға асасән униң мәһсулатини тутуп қелишни қарар қилған.

«Һавлиң чач буюмлири чәклик ширкити» уйғурларни мәҗбурий әмгәккә селиш билән шуғулланған дәп қарилип америка таможна идариси тәрипидин мәһсулатиниң америка базириға кириши чәкләнгән 2-хитай ширкитидур. Америка таможна вә чегра башқуруш идариси өткән йили хотән «тәйда кийим-кечәк ширкити» ниң мәһсулатлирини чәклигән. Мәзкур ширкәтниң хотәндики завутида нурғун лагер тутқунлирини ишлитиватқанлиқи ашкарилинип, бәзи ширкәтләр униңға мал заказ қилишни тохтатқан иди.

«Базар көзники» ториниң билдүрүшичә, америка таможна вә чегра башқуруш идариси сода ишханисиниң ярдәмчи иҗраийә комиссари бренда смит хотән хавлиң чач буюмлири ширкитиниң мәһсулатларни тутуп қелиш һәққидә тохтилип: «сода саһәси өзиниң тәминат зәнҗирини йеқиндин тәкшүрүп, америка сода вә истемал саһәсигә улар сетивалған мәһсулатниң бихәтәр икәнлики вә әхлақий өлчәмгә тошидиғанлиқи, униң һәрқандақ мәҗбури әмгәктә ишләпчиқирилмиғанлиқиға капаләтлик қилиши интайин муһим» дәп тәкитлигән.

Пикирләр (0)
Share
Толуқ бәт