Roshen abbas xanim amérika hökümitini Uyghur élidiki zulumgha tedbir qollinishqa chaqirdi

Muxbirimiz irade
2019.05.09

Amérikadiki “Uyghur herikiti” teshkilatining bashliqi roshen abbas xanim 9-may küni “Amérikada bügün” namliq xewer torida bir parche maqale élan qilip, amérika hökümitini Uyghur élida dawamlishiwatqan insaniyetke qarshi jinayetke qarita tedbir élishqa chaqirdi.

Roshen xanim maqaliside Uyghurlar 1949-yili xitay kommunist hakimiyiti teripidin ishghal qilin'ghandin béri her türlük zulumlargha uchrap kelgen bolsimu, biraq xitayning “Bir belwagh bir yol” qurulushi seweblik intayin hel qilghuch we mol bayliqqa tolghan bu zéminning igilirining xitayning közige qadalghan miq bolup qalghanliqini bayan qilghan. 

Roshen xanim maqaliside amérika dölet mudapi'e ministirliqining yéqinda élan qilghan sözini neqil keltürüp, Uyghur élidiki jaza lagérlirida nöwette 3 milyon etrapida kishi qamalghanliqini qeyt qilghan we rayondiki weziyetning qandaqtur dini erkinlik depsendichiliki we yaki bashqa depsendichilik bolushtin halqip ketkenlikini eskertken. Roshen xanim maqaliside “Milyonlighan Uyghurlar hazir xitay kompartiyisining insaniyetke qarshi ishlewatqan jinayitige uchrawatidu. Bu emdi dini erkinlik mesilisi emes, halbuki hayat-mamatliq mesilisi” dep körsetken. 

Roshen xanim maqalisining axirida amérika hökümitini bu weziyet aldida sükütte turmasliqqa we “Yershari magnétskiy qanuni” ni ishqa sélish arqiliq bu zulumda rol éliwatqan xitay emeldarlirini jazalashqa chaqirghan we pütkül bir milletning teqdirining amérikaning qisqa muddetlik tijariy siyasetlirining qurbanigha aylanmasliqi kéreklikini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.