Xitay hökümiti amérikaning Uyghurlar mesilisidiki meydanini tenqidlidi

Muxbirimiz eziz
2019-06-11
Élxet
Pikir
Share
Print

Xitay tashqi ishlar ministirliqi 11-iyun küni amérika hökümitining Uyghurlar diyaridiki siyasiy basturush qilmishliri toghrisida qilghan sözlirini "Pütünley asassiz baha bérish" dep tenqidlidi.

Xitay hökümiti bashqurushidiki "Yer shari waqti géziti" ning 11-iyundiki sanida éytilishiche, tashqi ishlar ministirliqining bayanatchisi géng shu'ang bu heqte söz qilip: "Köz bilen körgen'ge ishinish eng aqilaniliqtur" dégen hemde Uyghur diyarida héchqandaq "Terbiyelesh merkizi" ning mewjut emeslikini, bu yerde bar bolghanlirining peqet "Kespiy terbiyelesh merkezliri" ikenlikini, bu merkezler qurulghandin buyan Uyghur diyarida "Héchqandaq zorluq heriketlirining yüz bermigenliki" ni alahide tekitligen. Shundaqla "Shinjangdiki meschitlerning sani amérikidiki meschitlerning sanidin on hesse artuq" dégen. Emma Uyghurlar diyaridiki meschitlerning qupquruq bolup qalghanliqini tilgha almighan.

Xitay emeldarlirining amérika tashqi ishlar ministiri mayk pompyoning sözlirini tenqidlishi xitay tashqi ishlar ministirliqning mu'awin ministiri jang xenxuyning tolimu qopallarche sözliridimu eks étidu. U bu heqte xitay muxbirlirining so'allirigha jawab bérip: "Dölitimizning shinjang mesilisini biryaqliq qilish usulini tenqidlimekchi bolghanlar soghuq urushning qebriliridin ömilep chiqqan murdilardur. Ular héchqachan yalghan-yawidaq geplerni posh dep baqmighan" dégen. Shundaqla "Milyonlarche kishi lagérgha qamalghan" dégen bayanni "Xelq'arada junggoning obrazigha qara suwighanliq" dégen.

Halbuki mutexessisler "Xitay hökümitining Uyghurlar diyaridiki basturush heriketlirining bizge melum bolghanliri peqet muztaghning choqqisi xalas" déyishmekte.

Toluq bet