Америка демократлар партийәси президент намзатлириниң муназирисидә уйғур мәсилиси йәнә тилға елинди

Мухбиримиз әркин
2019-09-13
Елхәт
Пикир
Share
Принт

Америка демократлар партийәси президент намзатлиқини талишиш сайлиминиң 12‏-сентәбир күни флорида штатида өткүзүлгән намратлар муназирисидә уйғур мәсилиси йәнә тилға елинди. Демократик партийә намзатлириниң бири, американиң сабиқ өй вә шәһәр тәрәққият министири җулиан кастро, өзиниң президентлиққа сайлинип қалса йолға қойидиған сияситини тонуштурғанда уйғурларни тилға алди. Бу уйғурларниң демократик партийә намзатлириниң һазирға қәдәр өткүзүлгән муназирилиридә 2‏-қетим тилға елинишидур. Җулиан кастро, американиң кишилик һоқуқ мәсилисидә дунядики йетәкчилик орнини җари қилдуруши керәкликини билдүрүп: «бизниң кишилик һоқуққа охшаш саһәләрдә рәһбәрлик орнимизға қайтип келишимиз керәк. Бизгә хитайда милйонлиған уйғурларниң түрмиләргә қамалғанлиқи мәлум. Һазирниң өзидә бу кишиләр түрмиләрдә хорлашқа учримақта» дегән.

12‏-Сентәбир күни өткүзүлгән муназиригә демократик партийидин өзини намзатлиққа көрсәткән 10 нәпәр кандидат қатнашқан. Намзатларниң ичидики кеңәш палата әзаси елзабет варрен, камала харис, барней сандерс, әмий клобашор қатарлиқлар «уйғур кишилик һоқуқ қанун лаһийәси» гә имза қойған палата әзалиридур. Бу йил 1‏-айда җумһурийәтчи кеңәш палата әзаси рубийо вә демократик кеңәш палата әзаси мәнәндәз тәрипидин сунулған мәзкур қанун лайиһиси 11‏-сентәбир күни кеңәш палатасида бирдәк мақулланған. Мәзкур қанун лайиһисиниң кеңәш палатасида мақуллиниши хитай һөкүмити 2 милйондәк уйғур, қазақ вә башқа мусулманларни тутқун қилип, лагерларға қамиған бир вақитта, хитай, шундақла дуняға берилгән күчлүк сигнал, дәп қаралғаниди.

Пикирләр (0)
Share
Толуқ бәт