Amérika démokratlar partiyesi prézidént namzatlirining munaziriside Uyghur mesilisi yene tilgha élindi

Muxbirimiz erkin
2019-09-13
Élxet
Pikir
Share
Print

Amérika démokratlar partiyesi prézidént namzatliqini talishish saylimining 12‏-séntebir küni florida shtatida ötküzülgen namratlar munaziriside Uyghur mesilisi yene tilgha élindi. Démokratik partiye namzatlirining biri, amérikaning sabiq öy we sheher tereqqiyat ministiri juli'an kastro, özining prézidéntliqqa saylinip qalsa yolgha qoyidighan siyasitini tonushturghanda Uyghurlarni tilgha aldi. Bu Uyghurlarning démokratik partiye namzatlirining hazirgha qeder ötküzülgen munaziriliride 2‏-qétim tilgha élinishidur. Juli'an kastro, amérikaning kishilik hoquq mesiliside dunyadiki yétekchilik ornini jari qildurushi kéreklikini bildürüp: "Bizning kishilik hoquqqa oxshash sahelerde rehberlik ornimizgha qaytip kélishimiz kérek. Bizge xitayda milyonlighan Uyghurlarning türmilerge qamalghanliqi melum. Hazirning özide bu kishiler türmilerde xorlashqa uchrimaqta" dégen.

12‏-Séntebir küni ötküzülgen munazirige démokratik partiyidin özini namzatliqqa körsetken 10 neper kandidat qatnashqan. Namzatlarning ichidiki kéngesh palata ezasi élzabét warrén, kamala xaris, barnéy sandérs, emiy klobashor qatarliqlar "Uyghur kishilik hoquq qanun lahiyesi" ge imza qoyghan palata ezaliridur. Bu yil 1‏-ayda jumhuriyetchi kéngesh palata ezasi rubiyo we démokratik kéngesh palata ezasi menendez teripidin sunulghan mezkur qanun layihisi 11‏-séntebir küni kéngesh palatasida birdek maqullan'ghan. Mezkur qanun layihisining kéngesh palatasida maqullinishi xitay hökümiti 2 milyondek Uyghur, qazaq we bashqa musulmanlarni tutqun qilip, lagérlargha qamighan bir waqitta, xitay, shundaqla dunyagha bérilgen küchlük signal, dep qaralghanidi.

Toluq bet